काठमाडौं, २६ साउन-अध्यागमन विभागले दिँदै आएको सेवा स्थगित गरेको छ । विभागमा कार्यरत कर्मचारीमा कोरोना पुष्टि भएपछि विभागले सेवा नै रोकेको हो ।  विभागले जारी गरेको सूचनाअनुसार अर्को सूचना नआएसम्मका लागि विभागले दिँदै आएकाे हालको सेवा स्थगित गरिएको छ । तर, अत्यावश्‍यक कामका लागि अध्यागमन अधिकृत कुलशेखर अर्याल, पवनकुमार गुप्ता र मधुुसुदन भट्टराईलाई तोकिएको विज्ञप्तिमा उल्‍लेख छ ।  एक जना कर्मचारीमा कोरोना पोजेटिभ देखिएको अवस्थामा अन्य कर्मचारी पनि संक्रमित भएको हुन सक्ने र सर्न सक्ने हुनाले हाललाई स्थगित गरिएको विभागका सूचना अधिकारी रामचन्द्र तिवारीले बताए ।