वायुसेवा निगमका अधिकारीलाई अख्तियारले बोलायो - News Birat

वायुसेवा निगमका अधिकारीलाई अख्तियारले बोलायो

न्यूज विराट

राष्ट्रिय ध्वजाबाहक नेपाल वायुसेवा निगमका जहाजको इन्जिन हराएको विषयमा अख्तियार दुरुपयोग अनुसन्धान आयोगले चासो देखाएको छ । निगमले २०७४ र हालसालै बिक्री गरेका २ बोइङ जहाजको इन्जिन हराएका थिए ।

अख्तियारमा परेको सूचनाको आधारमा बुधबार निगमका अधिकारीहरूलाई बोलाइएको अख्तियार स्रोतले बताएको छ । ‘निगम भित्रबाट पाटपुर्जा लुकाएरसमेत अनियमितता गरिएकोसम्मका सूचना आएको सन्दर्भमा बुधबार निगमका अधिकारीलाई बोलाउने तयारी गरिएको छ,’ अख्तियारस्रोतले भनेको छ ।

नेपाल वायुसेवा निगमले दुई वटै बोइङ लिलाम गरेर बोइङविहीन बन्दै गर्दा विभिन्न स्थानमा पाटपुर्जा भेटिएको रहस्य खुल्न थालेपछि अनियमितताको आशंका गरिएको छ ।

निगमले इन्जिनसहितका सयौँ पाटपुर्जालाई सूचीकृत नगरी मूल्याङ्कन गर्दा वास्तविक मूल्यभन्दा निकै कममा जहाज बिक्री भएको र अन्य पार्टपुर्जा र इन्जिन मिलेमतोमा अनियमितता भएको आशंका गरिएको छ ।

निगमले २०७४ सालमा बीबी एयरवेजलाई जम्मा १४ करोड रुपैयाँमा एउटा जहाज बिक्री गरेको थियो भने २०७६ सालदेखि प्रकिया अघि बढाए पनि दुई साताअघि मात्रै अर्को बोइङ जहाज ६७ करोड रुपैयाँमा लैजाने गरी बैना गरिएको थियो ।

लामो समयदेखि बोइङ उड्न नसके पनि बोइङको नाममा निगमका कर्मचारीलाई भत्ताका साथै बोइङ पाल्नको लागि निगमको ठूलो रकम सकिएको थियो ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles