काठमाडौं, २ असार-शुक्रबार थप १०१ जनामा कोरोना भाइरस (कोभिड-१९) संक्रमण पुष्टि भएको छ । स्वास्थ्य तथा जनसंख्या मन्त्रालयको नियमित पत्रकार सम्मेलनमा देशका विभिन्न स्थानमा रहेका प्रयोगशालामा गरिएको परीक्षणमा थप १०१ जनामा कोरोना संक्रमण देखिएको जानकारी दिएका हुन् । उनका अनुसार सक्रिय संक्रमितको संख्या ५ हजार ८७१ रहेको छ । हालसम्म कुल संक्रमितको संख्या १७ हजार ४४५ पुगेको उनले बताए ।

२४ घण्टाको अवधिमा २८५ जनाले कोरोनालाई जितेर घर फर्किएका छन् । अहिलेसम्म ११ हजार ५३४ जनाले कोरोनालाई जितेको स्वास्थ्य मन्त्रालयले जनाएको छ । कुल संक्रमितमध्ये अहिलेसम्म ६६.१२ प्रतिशत निको भएका प्रवक्ता गौतमले बताए ।

त्यस्तै शुक्रबार ४ हजार ६८८ जनाको पीसीआर विधिबाट परीक्षण गरिएको छ । क्वारेन्टाइनमा बस्नेको संख्या २२ हजार ७५६ जना रहेको छ । ५ हजार ८७१ जना आइसोलेसनमा उपचार गराइरहेका छन् ।