जनैपूर्णिमा र गाईजात्रा भोलि एकैदिन
काठमाडौं । यसवर्ष जनैपूर्णिमा र गाईजात्रा एकैदिन परेको छ । नेपाल पञ्चाङ्ग निर्णायक समितिका अनुसार जनैपूर्णिमा र गाईजात्रा भोलि एकैदिन परेको हो । आज बिहान ९ बजेर ४४ मिनेटदेखि नै पूर्णिमा सुरु हुने भोलि बिहान...
बुटवल, ९ असार-पाल्पाको तानसेन नगरपालिका-११ सम्मोबारीमा सोमबार भएको सवारी दुर्घटनामा मृत्यु हुनेको परिचय खुलेको छ । तानसेन रिडि सडकखण्डको ५ किलोमिटर पश्चिम सम्मोबारीमा गएको पहिरोमा परी ४ सवारी साधनमा रहेका ३ जनाको ज्यान गएको थियो ।
सडक माथिबाट पहिरो खसेर सवारीसाधन पुरिँदा २ जनाको घटनास्थलमै र १ जनाको उपचार हुँदै गर्दा अस्पतालमा मृत्यु भएको प्रदेश ५ ट्राफिक प्रहरी कार्यालय बुटवलका सूचना अधिकारी प्रहरी नायब उपरीक्षक डिल्ली नारायण पाण्डेले जानकारी दिए ।
सोमबार अपरान्ह पौने ५ बजे पाल्पाबाट गुल्मीतर्फ जाँदै गरेको लु २ ख १३७६ नम्बरको ट्रक, लु १ क १९२८ नम्बरको तेल बोक्ने ट्याङ्करलाई माथिबाट झरेको पहिरोले सडकदेखि तल बगाएको थियो ।
पहिरोमा परी चितवनका वीरबहादुर गुरुङ, काभ्रेको होक्से-४ का निमेष श्रेष्ठ र पाल्पाका भुवन खाम्चा रहेको पाण्डेले जानकारी दिए । त्यस्तै, लु २ च ७०४३ नम्बरको अल्टो कार र लु १ च ७०११ नम्बरको कुखुरा बोक्ने गाडी सडक छेउमै पुरिएका छन् । ती गाडीमा क्षति भएपनि मानविय क्षति भने नभएको प्रहरीले जनाएको छ ।
यस्तै, सोमबार साझ भएको दुर्घटनामा परी नवलपरासीमा १ जनाको मृत्यु भएको छ । नवलपरासी सुनवल नगरपालिका-११ सुकरौलीस्थित भित्री सडकखण्डमा गुडिरहेको लु २ त ८०९५ नम्बरको ट्याक्टरबाट खसेर १ युवतीको मृत्यु भएको हो ।
ट्याक्टरबाट खसेर गम्भीर घाइते भएकी नवलपरासी बर्दघाट नगरपालिका-२ कि २४ वर्षकी मुना नेपालीको उपचारको क्रममा बुटवलमा राति मृत्युु भएको प्रहरीले जनाएको छ ।
