काठमाडौं, ३० जेठ-नेपालमा शुक्रबार एकैदिन ४४८ जनामा कोरोना भाइरस संक्रमण पुष्टि भएको छ । स्वास्थ्य मन्त्रालयको कोभिड-१९ सम्बन्धी मिडिया ब्रिफिङका क्रममा प्रवक्ता डा. जागेश्वर गौतमले २४ घण्टाको अवधिमा ४४८ जना संक्रमित थपिएर जानकारी दिएका हुन् ।

शुक्रबार हालसम्मकै धेरै संक्रमित भेटिएका हुन् । पछिल्लो २४ घण्टामा थपिएका कोरोना भाइरस संक्रमितसँगै देशभर ५ हजार बढीमा संक्रमण पुष्टि भएको हो । शुक्रबारसम्म ७७ जिल्लामध्ये ७२ जिल्लामा कोरोना संक्रमण फैलिँदा अहिलेसम्म ५ हजार ६२ जनामा कोरोना संक्रमण पुष्टि भएको छ ।

आज संक्रमण देखिनेमा प्रदेशिक जनस्वास्थ्य प्रयोगशाला गरिएको परीक्षणमा विराटनगरमा मोरङका २ पुरुष, झापाका ७ पुरुष, त्रिभुवन विश्वविद्यालयको प्रयोगशालामा महोत्तरीका १० पुरुष, भरतपुर अस्पतालको प्रयोगशालामा चितवनका ८ पुरुष, पाटन अस्पतालको प्रयोगशालामा धादिङका १ पुरुष, बीपी कोइराला स्वास्थ्य विज्ञान प्रतिष्ठानको प्रयोगशालामा सप्तरीका १७ पुरुष, उदयपुरका ३ पुरुष र सिराहका ११ जना पुरुषमा संक्रमण पुष्टि भएको उनले बताए ।

त्यसैगरी, कोसी अस्पताल प्रयोगशालामा इलामका १ पुरुष, झापाका ६ पुरुष, सुनसरीका १ महिला ९ पुरुष, प्रदेशिक जनस्वास्थ्य प्रयोगशाला पोखरामा पर्वतका १३ पुरुष, स्याङ्जाका २२ पुरुष  नवलपरासी पूर्वका १ पुरुष, तनहुँका १ पुरुष, भेरी अस्पतालको प्रयोगशालमा बर्दियाका २ महिला र १३ पुरुष, बाँकेकी १ महिलामा कोरोना संक्रमण देखिएको छ ।

त्यसैगरी, टेकु अस्पतालको प्रयोगशालामा गरिएको परीक्षणमा नवलपरासी पूर्वका ४ पुरुष, मोरङका १ पुरुष, धादिङका २ महिला र २५ पुरुष, प्रदेशिक प्रयोगशाला जनकपुरमा धनुषाका १४ पुरुष, महोत्तरीका ६ पुरुष, सर्लाहीका ३ पुरुष, धुलिखेल अस्पतालमा गरिएको परीक्षणमा कपिलवस्तका १ महिला र ३ पुरुष, सर्लाहीका ४ पुरुषमा कोरोना संक्रमण देखिएको स्वास्थ्य मन्त्रालयले जनाएको छ ।

त्यसैगरी, राप्ति स्वास्थ्य विज्ञान प्रतिष्ठानमा ३ महिला ५ पुरुष, प्रदेशिक अस्पताल प्रयोगशाला सुर्खेतमा दैलेखका ५ महिला र ३३ पुरुष, सुर्खेतका २ महिला ४३ पुरुष, प्रदेशिक प्रयोगशाला रुपन्देहीमा अर्घाखाँचीका २ पुरुष, गुल्मीका १ पुरुष, पाल्पाका १ पुरुष, प्यूठानका २ पुरुष, रुपन्देहीका ३ महिला र १३ पुरुष, नवलपरासी पश्चिमका १ महिला र १ पुरुषमा कोरोना पोजेटिभ देखिएको प्रवक्ता डा. गौतमले जानकारी दिए ।

त्यसैगरी, राष्ट्रिय जनस्वास्थ्य प्रयोगशाला टेकुमा बाराका १ पुरुष, धादिङका १ पुरुष, धनुषाका १ पुरुष, नुवाकोटका १ पुरुष, रौतहटका ८६ पुरुष, काठमाडौंका १ महिला र सर्लाहीका ९ महिला ४१ पुरुषमा संक्रमण पुष्टि भएको छ । योसँगै नेपालमा कोरोना संक्रमितको संख्या ५ हजार ६२ पुगेको छ । जसमध्ये ४ हजार ७ सय ९ जना पुरुष र ३ सय ५३ जना महिला रहेका छन् ।

आज थप १६ जना डिस्चार्ज भएका छन् । जसमध्ये ४ जना महिला र १२ जना पुरुष रहेका छन् । योसँगै नेपालमा कोरोना भाइरस संक्रमणलाई जितेर घर फर्किनेको संख्या   ८ सय ७७ पुगेको छ । जसमध्ये  ७ सय ८६ जना पुरुष रहेक छन् । कोरोना भाइरस संक्रमणलाई परास्त गर्ने महिलाको संख्या ९१ रहेको छ ।

शुक्रबारसम्म १ लाख २१ हजार ८ सय ६२ नुमनाको पीसीआर विधिबाट परीक्षण गरिएको छ । १ लाख ८८ हजार ५२ जनाको आरडीटी विधिबाट परीक्षण गरिएको स्वास्थ्य मन्त्रालयले जनाएको छ । २४ घण्टाको अवधिमा ५ हजार ९ सय २५ नमुना पीसीआर विधिबाट परीक्षण गरिएको छ भने ९ हजार ९ सय ९९ जनाको आरडीटी विधिबाट परीक्षण गरिएको छ ।

नेपालमा कोरोना भाइरस संक्रमणबाट थप १ जनाको मृत्यु भएको छ । अर्घाखाँचीका ५७ वर्षीय पुरुषको मृत्यु भएको स्वास्थ्य मन्त्रालयका प्रवक्ता डा. जागेश्वर गौतमले पुष्टि गरेका हुन् । योसँगै नेपालमा कोरोना संक्रमणबाट मृत्यु हुनेको संख्या १६ पुगेको छ । शुक्रबारसम्म देशभरका विभिन्न क्वारेन्टाइनमा १ लाख ५८ हजार ५० जना रहेका छन् । त्यसैगरी ४ हजार १ सय ६९ जना आइसोलेसनमा रहेका छन् ।