प्रचण्डसँगको भेटमा विष्णु पौडेलले भने : परिस्थिति धेरै गम्भीर छ - News Birat

प्रचण्डसँगको भेटमा विष्णु पौडेलले भने : परिस्थिति धेरै गम्भीर छ

न्यूज विराट

काठमाडौं, ५ मंसिर-नेपाल कम्युनिस्ट पार्टी (नेकपा)का कार्यकारी अध्यक्ष पुष्पकमल दाहाल (प्रचण्ड) र महासचिव विष्णु पौडेलबीच छलफल भएको छ । केन्द्रीय पार्टी कार्यालय धुम्बाराहीमा भएको प्रचण्डसँगको छलफलमा महासचिव पौडेलले पार्टीको वर्तमान परिस्थिति धेरै गम्भीर रहेको बताए ।

 पौडेल र प्रचण्डबीच करिब २५ मिनेट छलफल भएको बताइएको छ । प्रधानमन्त्री एवं पार्टी अध्यक्ष केपी शर्मा ओलीले अर्का अध्यक्ष प्रचण्डको प्रस्तावको काउन्टरमा अर्को प्रस्ताव ल्याउने बताइरहेका बेला पौडेल र प्रचण्डबीच छलफल भएको हो ।

नेकपा सचिवालय बैठक १३ मंसिरमा बस्दैछ । सो बैठकमा यसअघि प्रचण्डले राखेको प्रस्ताव र ओलीले राख्ने प्रस्तावका बारेमा छलफल हुने बताइएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles