काठमाडौं, ११ जेठ-कालापानी, लिपुलेक र लिम्पियाधुरालाई आफ्नो भू्रमि दावी गरेको भारतले रौतहटमा समेत नेपाली भूमि अतिक्रण थालेको छ । रौतहटको इशानाथ नगरपालिका–१ बन्जरहाको दशगजा क्षेत्रमा भारतले पानीको बहाव नै अवरुद्ध हुनेगरी सडक खन्ने नाममा बाँध शुरु गरेको छ ।

भारतले सीमा मिचेर रातारात सडक खनेपनि स्थानयी देखि केन्द्रीय सरकारसम्म मौन बसेका छन् । भारतले गत साउनबाट नदीमा बाँध सहितको सडक निर्माण थालेको हो ।

भारतले निर्माण थालेको ९ महिना भइसक्दापनि नेपालले यसमा कुनै प्रतिकृया जनाएको छैन । नेता साहले सामाजिक संजालमार्फत यो बिषय बाहिर ल्याएका हुन् ।

भारतले एकतर्फी रुपमा बाटो बनाउने र नदीमा बाँध बाध्ने क्रम जारी राखेको भन्दै नेकपा प्रदेश २ का नेता प्रभु साहले या कार्य तत्काल रोक्न उच्चस्तरीय कुटनीतिक वार्ता गर्न सरकारलाई आग्रह गरेका छन् । भारतले लकडाउनको अवसर छोपेर नेपाली भूमि अतिक्रमण गरी एकतर्फी रुपमा बाँध र सडक निर्माण गरेको साहले जनाएका छन् ।