विदेशमा रहेका १२ नेपालीमा कोरोना पुष्टि, २ जनाको मृत्यु
वैदेशिक रोजगारीमा रहेका र विदेशमा बसोवास गर्दै आएका १२ जना नेपालीमा कोरोना भाइरस संक्रमण भएको पुष्टि भएको छ । ती १२ जनामध्ये २ जनाको मृत्यु भएको छ । यूएईमा २ जनालाई कोरोना भाइरस लागेको थियो...
काठमाडौं, जेठ ४-भारतले कोरोना परीक्षणका लागि नेपाललाई उपहारस्वरूप ३० हजार व्यक्तिको जाँच क्षमताको पीसीआर टेस्ट किट सहयोग गरेको छ । १० वैशाखमा २३ टन औषधि हस्तान्तरण गरेको भारतले फेरि पीसीआर किट पनि सहयोग गरेको हो ।
सहयोग गरेको किट आइतबार नेपालका लागि भारतीय राजदूत विनय मोहन क्वात्राले स्वास्थ्य तथा जनसंख्यामन्त्री मन्त्री भानुभक्त ढकाललाई हस्तान्तरण गरेका हुन् । माइल्याबले उत्पादन गरेको सो किट नेपाली जनताका लागि उपहारस्वरूप प्रदान गरिएको भारतीय राजदूतावासद्वारा जारी विज्ञप्तिमा उल्लेख छ ।
ती सामग्रीकाे हस्तान्तरणले कोभिड-१९ महामारीले निम्त्याएको साझा चुनौतीविरूद्ध तयार रहन, सामना गर्न तथा एकसाथ लड्न २ देशका नेता एवं जनताबीचको जारी सहकार्यलार्ई दर्शाएको दूतावासले जनाएको छ ।
