काठमाडौं, ३० वैशाख-जिल्ला प्रशासन कार्यालय बाराले बारा जिल्लामा निशेधाज्ञालाई थप कडाइ गरेको छ । पर्साको वीरगंज बारा र तराईका जिल्लामा देखिएको कोरोना संक्रमित बिरामीको संख्या बढ्दै गएपछि प्रशासनले लकडाउनलाई थप कडाइ गर्ने जानकारी दिएको हो ।

बाराका प्रमुख जिल्ला अधिकारी रुद्रप्रसाद पण्डितले एक सूचना जारी गर्दै अत्यावश्यक सेवाबाहेक अन्य सेवा पूर्ण रूपमा बन्दे रहेने जानकारी दिएका छन् । आज बसेको क्राइसिस म्यानेजम्यान्ट सेन्टरको निर्णयअनुसार दैनिक आवतजावतमा अत्यावश्यक सेवाबाहेक अन्य सवारी साधानहरूलाई पूर्ण बन्देज गराउने निर्णय गरेको छ । त्यस्तै गम्भीर विरामीबाहेक अन्यका लागि इपाससमेत भोलिबाट खारेज गर्ने निर्णय गरेको उनले बताए ।

त्यस्तै, भारतसँग सीमा जोडिएका नाकामा आवातजावत पूर्णरूपमा बन्द गर्ने र अत्यावश्यकबाहेका व्यक्तिलाई घरबाहिर निस्कन नदिने निर्णय गरेको प्रमुख जिल्ला अधिकारी पण्डितले जानकारी दिए ।