काठमाडाैं, २४ वैशाख-भारतीय सीमानाका वनवासा र टनकपुरमा अलपत्र परेका नेपालीलाई सरकारले स्वदेश ल्याउने भएको छ । ३५ दिनदेखि लकडाउनका कारण कञ्चपुरको भीमदत्त नगरपालिकासँग जोडिएका सीमानाका वनवासा र टनकपुरका अलपत्र नेपालीलाई आवश्यक स्वास्थ्य जाँचपछि स्वदेश ल्याइने भएको हो ।

बुधबार बसेको मन्त्रिपरिषदको बैठकले अलपत्र परेका व्यक्तिहरूको व्यवस्थित विवरणसहित सम्बन्धित गाउँपालिका पठाउन कञ्चनपुर जिल्लालाई निर्देशन दिएको हो ।

उनीहरू भारतका विभिन्न ठाउँबाट घर फर्किने भन्दै सीमानाका वनवासा र टनकपुर पुगेका थिए । यसअघि सरकारले भारतको धारचुलामा अलपत्र नेपालीलाई स्वदेश फिर्ता गरेको थियो । त्यस्तै, सरकारले भारतसँग सीमानाका जोडिएका जिल्लामा थप सुरक्षा व्यवस्था मिलाउनसमेत निर्देशन दिएको छ ।