सम्भावित कोरोना भाइरस संक्रमणको आशंकामा ४७ हजार बढीको परीक्षण गरिएको छ ।स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता विकास देवकोटाले कोरोना भाइरस संक्रमणको आशंकामा आरडीटी र पीसीआर विधिबाट ४७ हजार बढीको परीक्षण गरिएको बताए ।

उनका अनुसार ९ हजार ४ सय ७ जनाको पिसिआर विधिबाट परीक्षण गरिएको छ । र्‍यापिड किटबाट गरिएको परीक्षण संख्या ३८ हजार ८९ पुगेको छ । एकैदिनमा ३ हजार ७ सय ९१ नमुना परीक्षण भएको छ ।

शुक्रबार दिउँसोसम्म भेटिएका ४८ जना कोरोना संक्रमितमध्ये १० जना निको भएर घर फर्किएका प्रवक्ता देवकोटाले जानकारी दिए । उनका अनुसार ३७ संक्रमितको देशका विभिन्न अस्पतालमा उपचार भइहरेको छ भने १ जना संक्रमितलाई अस्पताल लैजाने तयारी हुँदैछ ।