काठमाडौं, ११ वैशाख-सत्तारुढ दल नेपाल कम्युनिस्ट पार्टी (नेकपा) अध्यक्ष तथा प्रधानमन्त्री केपी शर्मा ओली विवादित अध्यादेश फिर्ता लिन सकारात्मक बनेका छन् । बिहीबार बालुवाटारमा अर्का अध्यक्ष प्रचण्डसँगको भेटमा उनी अध्यादेश फिर्ता लिन सकारात्मक भएको उच्च स्रोतले बताएकाे हाे ।

प्रधानमन्त्री ओलीले दलसम्बन्धी र संवैधानिक परिषद्सम्बन्धी २ अध्यादेश ल्याएकोमा त्यसको विरोध हुँदै आएको छ । ८ गते बसेको मन्त्रिपरिषद बैठकले पार्टी फुटाउन सहज हुने गरी अध्यादेश ल्याउने निर्णय गरेको थियो । दुवै अध्यादेश राष्ट्रपतिबाट प्रमाणीकरण भएर जारी भइसकेको छ ।