विराटनगर, चैत ११–नेपाल सरकारले कोरोना भाइरसको संक्रमणबाट नेपाली नागरिकलाई सुरक्षित बनाउन आज देखि लागू गरेको लकडाउनका क्रममा विराटनगरमा प्रहरी र स्थानीय बीच झडप भएको छ ।

विराटनगर गुद्रीबजार स्थित अतिआवाश्यक सेवा वाहेकका अन्य सवै सेवा प्रहरीले बन्द गराउने क्रममा प्रहरी र स्थानीय बीच झडप भएको हो । स्थानीयले विहानैदेखि गुद्री क्षेत्रका पसल खोलेर बसेपछि प्रहरी बन्द गराउन पुगेको थियो ।

तर, प्रहरीले अतिआवश्यक किराना पसल, औषधि पसल तथा तरकारी पसल बन्द गराएपछि प्रतिकार गरेको स्थानीयले आरोप लगाएका छन । प्रहरीले भने गुद्री क्षेत्रका पसल खोलेपछि बन्द गराएको बताएको छ ।