कोरोना संक्रमण रोकथामका लागि मुख्यमन्त्री राईलाई ध्यानाकर्षण - News Birat

कोरोना संक्रमण रोकथामका लागि मुख्यमन्त्री राईलाई ध्यानाकर्षण

न्यूज विराट

विराटनगर, भाद्र १२–दक्षिणी मोरङका ६ वटा स्थानीय तहका प्रमुखहरुले कोरोना भाईरसको संक्रमण रोकथामका विषयमा प्रदेश नं. १ का मुख्य मन्त्री शेरधन राईको ध्यानाकर्षण गराएका छन् ।

मोरङको रत्ुवामाई,सुनवर्षी, रंगेली नगरपालिका, धनपालथान, कटहरी र जहदा गाउँपालिकाका प्रमुख तथा अध्यक्षहरुले शुक्रबार मुख्यमन्त्री राईलाई भेटेर ध्यानाकर्षण गराएका हुन् ।

मुख्यमन्त्रीसँगको भेटमा स्थानीय तहका प्रमुखहरुले पीसीआर परिक्षणको रिपोर्ट आउन ४÷५ दिन लाग्ने, लक्षण देखिएका संक्रमितहरुलाई कोभिड अस्पतालले भर्ना लिन नमान्ने र लकडाउनको मौका छोपी सिमाक्षेत्रमा हुने तस्करीलगायतका अवैध गतिविधिलगायतका समस्याहरु तत्काल समाधान आग्रह गरेका छन् ।

उनीहरुले त्यस्तै स्थानीय तहले निर्माण गरेको आईशोलेसन वार्डको व्यवस्थापनमा सहयोग गर्न पनि मुख्यमन्त्री राईसँग माग राखेका छन् ।
कोरोना संक्रमण रोकथाम तथा नियन्त्रणका लागि दक्षिणी मोरङका रतुवामाई, सुनवर्षी, रंगेली नगरपालिका, धनपालथान, जहदा र कटहरी गाउपालिका एकजुट भएर लागिपरेका छन् ।

६ वटै पालिकाको संयुक्त बैठकबाट एकरुपता कायम गर्दै १७ गते सम्मका लागि लकडाउन कायम गरिएको छ । स्थानीयतहका प्रमुखहरुसँगको भेटमा राईले पालिकाहरुले गराएको ध्यनाकर्षणको विषयलाई गम्भिररुपमा लिएको र तत्काल समस्या समाधान गरिने आश्वासन दिएका छन् ।

मुख्यमन्त्री राईलाई रतुवामाई नगरपालिकाका प्रमुख रविन राई, सुनवर्षी नगरपालिकाका प्रमुख कालीप्रसाद दाश, रंगेलmी नगरपालिकाका प्रमुख दिलिप बगडिया, धनपालथान गाउँपालिका अध्यक्ष हरिलाल सिंह, जहदा गाउँपालिका अध्यक्ष कैलाश मण्डल र कटहरी गाउँपालिका अध्यक्ष रामकुमार कामतले भेटेर ध्यानाकर्षण गराएका हुन् ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles