प्रदेश १ का ८ जिल्ला कोरोना मुक्त
विराटनगर, असार १२-प्रदेश नं. १ मा शुक्रबार १६ जनामा कोरोना संक्रमण पुष्टि भएको छ । प्रदेश १ सामाजिक विकास मन्त्रालयका अनुसार शुक्रबार मोरङको विराटनगरका १ महिला र १ पुरुषमा कोरोना संक्रमण पुष्टि भएको छ ।...
काठमाडौं, फागुन ८–प्रमुख प्रतिपक्षी दल नेपाली कांग्रेसले संघीय संसदको राष्ट्रियसभा बैठकमा अवरोध गरेको छ । सरकारका प्रवक्तासमेत रहेका सञ्चार तथा सूचना प्रविधिमन्त्री गोकुल बाँस्कोटालाई बर्खास्त गर्न माग गर्दै कांग्रेसले सदनमा अवरोध गरेको हो । कांग्रेसको अवरोधपछि राष्ट्रियसभा बैठक स्थगित गरिएको छ ।
सञ्चारमन्त्री बाँस्कोटाले सेक्युरिटी प्रेस खरिद प्रक्रिया अघि बढाउन स्वीस कम्पनीका नेपाली एजेन्ट विजय मिश्रसँग ७० करोड रुपैयाँ घुस मागेको अडियो सार्वजनिक भएको थियो । यही प्रकरणमा आज बिहान मात्रै कांग्रेसले प्रेस विज्ञप्ति निकालेर सञ्चारमन्त्रीलाई बर्खास्त गर्न माग गरेको थियो ।
प्रधानमन्त्री केपी शर्मा ओलीले सञ्चारमन्त्री बाँस्कोटासँग कुरा बुझेपछि मात्रै निर्णय लिने उनका प्रेस सल्लाहकार सूर्य थापाले बताएका छन् । सुदूरपश्चिम भ्रमणमा रहेका बाँस्कोटा आजै काठमाडौं आउँदैछन् । आजै कञ्चनपुरको बेलडाँडीमा आयोजित कार्यक्रममा सञ्चारमन्त्री बाँस्कोटाले आरोप पुष्टि भए सजाय भोग्न तयार रहेको बताएका छन् ।
