विराटनगर । प्रेस सेन्टर नेपाल मोरङको अध्यक्षमा नविन कुमार कर्ण चयन भएका छन् । प्रेस सेन्टर नेपाल मोरङको विराटनगरमा बिहीबार भएको पाँचौ जिल्ला सम्मेलनबाट कर्ण अध्यक्षमा सर्वसम्मत चयन भएका हुन् । उनी यसअघि सेन्टरका उपाध्यक्ष थिए ।
समितिको उपाध्यक्षमा श्रीमन्त भट्टराई, सन्दिप राई, सचिवमा अनिल श्रेष्ठ, सह–सचिव राकेश कर्ण, हुसेन शेख, राजेश राजवंशी र कोषाध्यक्ष प्रेम देवान रहेका छन् । त्यसैगरी सदस्यहरुमा नम्रता न्यौपाने, एलिसा रायमाझी, मोहन ढकाल, माधव काफ्ले, सुरन्जन लिम्बु, जय कामत, अर्जुन लिम्बु, मर्जिना खातुन रहेका छन् ।

ग्रामिण पत्रकारीता पुरस्कार मुडियारीलाई
विराटनगर । सहिद लक्ष्मी फुयाल स्मृति ग्रामीण पत्रकारिता पुरस्कारबाट पत्रकार बावुराम मुडियारी पुरस्कृत भएका छन् ।
प्रेस सेन्टर नेपाल मोरङको पाँचौ जिल्ला सम्मेलनको अवसर पारेर बिहीबार पत्रकार मुडियारीलाई १० हजार राशीको उक्त पुरस्कार प्रदान गरेको हो ।
पुरस्कृत भएका पत्रकार मुडियारी रेडियो नेपालमा कार्यरत रहेका छन् । उनलाई कार्यक्रमका प्रमुख अतिथि नेकपा माओवादी केन्द्र प्रदेश १ का अध्यक्ष हर्क नेम्वाङ्ग, सचिव गणेश उप्रेती, मोरङ इन्चार्ज कुलबहादुर साम्बा कसुल, पे्रेस सेन्टर नेपालका केन्द्रीय उपाध्यक्ष विवेक गौतमलगायतले कदर पत्र र दोसल्ला ओढाएर सम्मान गरेका थिए ।

पाँच पूर्वअध्यक्ष सम्मानित
प्रेस सेन्टर नेपाल मोरङका संस्थापक अध्यक्षसहित पाँच जना पुर्वअध्यक्षहरुलाई सम्मान गरिएको छ । यसरी सम्मानित हुनेहरुमा प्रेस सेन्टर नेपाल मोरङका संस्थापक अध्यक्ष राजेन्द्र पौडेल, पुर्व अध्यक्षहरु अमृत कुमार महतो, विनोद घिमिरे, गणेश लम्साल र गोकुल पराजुलीलाई सम्मान गरेको हो ।
प्रेस सेन्टर नेपाल मोरङ तत्कालीन (क्रान्तिकारी पत्रकार संघ) को पूर्वअध्यक्षको भूमिका निर्वाह गरेर संगठन निर्माण, विकास र विस्तारमा योगदान पुर्याएको भन्दै पूर्वअध्यक्षहरुलाई सम्मान गरिएको हो ।