विराटनगर । नेपाल अन्तर्राष्ट्रिय तेक्वान्दो महासंघको आयोजनामा कालो पेटि प्रथम डान, कालो पेटि दोस्रो डान र कालो पेटि तेस्रो डान ग्रेडिङ्ग (परीक्षा) कार्यक्रम सुरु भएको छ । झापाको दमकमा उक्त कार्यक्रम शुक्रबारदेखि सुरु भएको हो ।

सो कार्यक्रमको उद्घाटन कोशी प्रदेश खेलकुद बिकास बोर्डका सदस्य सचीव कृष्ण बस्नेत (पर्शुराम) ले गरे । कार्यक्रममा बोल्दै उनले आईटीएफ खेलको छिटै राष्ट्रिय गोल्डेन फाईट तेक्वान्दो प्रतियोगिता चाडै हुने घोषणा गरे । कार्यक्रममा बोल्दै आइटिएफ तेक्वान्दो महासंघका अध्यक्ष प्रविण कुमार कार्कीले खेलकुद क्षेत्रको विकासमा राज्यले ध्यान दिनुपर्ने बताए । उनले खेलाडी राष्ट्रको गहना भएको चर्चा गर्दै खेलकुद क्षेत्रको विकासमा राज्यले प्राथामिकता राख्नुपर्नेमा जोड दिए । शनिबारसम्म चल्ने कार्यक्रममा कोशी प्रदेशका १३१ जना खेलाडीहरुको सहभागिता रहेको छ ।