विराटनगर, १४ असार । सुनौलो अवसर युवा क्लब विराटनगरले १ सय ५० परिवारलाई राहत वितरण गरेको छ । सो युवा क्लबले महानगरपालिकाको सिमान्त विभिन्न वडाका समस्यामा रहेका बासिन्दाहरुलाई खाद्यान्न वितरण गरेको हो ।

प्रदेशसभा सदस्य जयराम यादव, जनता समाजबादी पार्टीका जिल्ला अध्यक्ष राजकुमार यादव, विराटनगर १५ का वडाध्यक्ष असलम आलम, वडासदस्य उमा साह र समाजसेवी जितु रजकको सहयोगमा उपलब्ध गराइएको राहत सामग्री वितरण गरिएको आयोजक क्लबका अध्यक्ष इमरान अन्सारीले बताए ।

कोरोना महामारीको संक्रमण फैलिएपछि समस्यामा परेका सर्वसाधारणलाई हरेक प्रकारले सहयोग र राहत उपलब्ध गराउन यूवा क्लब सक्रिय रहेको उनले बताए ।

यसअघि समेत १ सय परिवारलाई राहत वितरण गरिसकेको सो क्लबले आगामी दिनमा समेत खाद्यान्न वितरण गर्ने जनाएको छ ।