विराटनगर । कोशी प्रदेश सरकारले माघ ११ गतेदेखि विराटनगरमा सुरु गर्ने प्रदेश लगानी सम्मेलन सफल बनाउन लागि पर्न नेपाल ट्राभल्स एण्ड टुर्स एशोसिएसन (नाटा) कोशी प्रदेशले व्यवसायीहरुलाई आग्रह गरेको छ ।

नाटा कोशी प्रदेशका अध्यक्ष पुण्यप्रसाद भट्टराईले बिहीबार सूचना जारी गर्दै प्रदेश सरकारले आउँदो माघ ११ देखि १३ गतेसम्म संचालन गर्ने प्रदेश लगानी सम्मेलन भव्य रुपमा सफल बनाउन साथ सहयोग गर्ने जनाएका छन् ।

‘निजी क्षेत्रप्रति अटुट विश्वास राखी प्रदेश सरकारले सुम्पिएको उक्त जिम्मेवारीलाई बोध गर्दै प्रदेश लगानी सम्मेलनलाई भव्यताका साथ सम्पन्न गर्नयहाँको अमूल्य साथ, सहयोग, समन्वय र सहकार्यका लागि हार्दिक अनुरोध गर्दछु । प्रदेशकै गौरवका रुपमा आयोजना गर्न लागिएको लगानी सम्मेलनलाई भव्य रुपमा सफल बनाउन साथ सहयोग रहनेछ,’ अध्यक्ष भट्टराईले जारी गरेको पत्रमा उल्लेख छ ।

नाटासहित नेपाल उद्योग वाणिज्य महासंघ कोशी प्रदेशलगायतका एक दर्जन बढी संघसंस्थाले लगानी सम्मेलन सफल बनाउन लागि परेको छ ।