विराटनगर । युवा पुस्ताका चर्चित गायक स्वप्न सुमन र पुर्ण राई दाजुभाइको सांगीतिक प्रस्तुतीले शनिबार राती विराटनगरमा छुट्टै सांगीतिक माहोल छाएको छ ।
लाइभ इन्टरटेन्टमेन्टले आयोजना गरेको तेस्रो संस्करणको विराटनगर म्यूजिक फेस्टिबलमा उनीहरुले आफ्नो चर्चित गीतहरु प्रस्तुत गरी जैन भवनमा सहभागि भएका हजरौ दर्शकहरुलाई भरपुर मनोञ्जन प्रदान गरेका हुन् ।

संगीतप्रेमी स्रोता, दर्शकको लामो प्रतिक्षापछि जब राती दश बजे मन्चमा उक्लिए स्वप्न सुमन त्यसपछि युवा पुस्ताको हुटिङ उसैगरी आउन थाल्यो । उनले सुरू गरे युवाले पुस्ताले अत्याधिक रुचाएको ‘झरीको रातमा रुजेर आउनु, मायाका मिठा गीत गुनगुनाउनु, त्यो मनमा जाने ठाउँ मलाइ देखाउनु…’ बोलको गीतबाट आफ्नो सांगीतिक प्रस्तुती आरम्भ गरे ।

जैन भवन परिसर भित्र खचाखच भरिएको दर्शक सामु उनले आफ्नो चिर्चित गीतहरु प्रस्तुत गरि उनको फ्यानलाई शान्त पारे । लोकप्रिय गायक स्वप्न सुमनको सांगीतिक प्रस्तुती रहने भनेपछि विराटनगरसहित झापा, मोरङ र सुनसरीबाट समेत उनका फ्यानहरु आएका थिए । उनलाई भेट्न आतुर देखिन्थे । तर उनी रातीको १० बजेपछि मात्रै स्टेज चढेका थिए । लाइभ इन्टरटेन्टमेन्टले आयोजना गरेको तेस्रो संस्करणको विराटनगर म्यूजिक फेस्टिबलमा उनले करिब एक घण्टा झुमाए । उनले कसरी भनौं तिमीलाई’, ‘तिम्रो आँखा’, ‘म तिम्रो’, ‘कुनै दिन’, ‘कुरेर बस्छु’, ‘याद म राख्नेछु’ लगायतका चर्चित आधा दर्जन गीत सुनाए । स्वप्नले गाउँदा उपस्थित दर्शकले पनि स्वरमा स्वर मिलाएर गाउँदै नाचे । उनका गीतमा प्रेम सम्बन्धका कुरा बढी समेटिएकोले खासगरी युवा पुस्तामाझ औधी मन पराइएका छन् ।

स्वप्न अगाडी पुर्ण राई दाजुभाइहरुले आफ्नो सांगीतिक प्रस्तुती गरी थप मनरोञ्जन दिलाए । गायक राईले ‘मेरोे माया फुल जस्तो… बोलको गीतबाट दर्शकलाई मनोरञ्जन दिलाए । उनले आधा दर्जन बढी गीत प्रस्तुत गरी सहभागिहरुलाई भरपुर मनोरञ्जन दिए । स्थानीय कलाकारहरुले पनि गीत र नृत्य प्रस्तुत गरी थप रमाइलो भयो ।
अन्तर्राष्ट्रिय स्तरको साउण्ड सिस्टम र मन्चमा चर्चित गायकहरुको सांगीतिक प्रस्तुतीले संगीतप्रेमी दर्शकहरुले भरपुर मनोञ्जन लिएको कार्यक्रम संयोजक सन्तोष महत (स्यान्ट्रो) ले बताए । विराटनगर म्यूजिक फेस्टिबललाई निरन्तार दिएर अगाडी बढने उनले बताए । ‘विराटनगरमा हुने यो फस्टिबल एक मात्र ठूलो सांगीगितक कार्यक्रम हो । त्यसैले यस पटक हुने फेस्टिबल पनि भव्य र सभ्य भयो । यो फेस्टिबलले निरन्तार पाउनेछ,’ उनले भने ।