विराटनगरको मेनरोडस्थित जैन भवनमा शनिबार साझमा हुने तेस्रो संस्करणको विराटनगर म्यूजिक फेस्टिबलको तयारी पुरा भएको छ । विराटनगरमा हुन लागेको यो फेस्टिबल अन्य समयको भन्दा फरक र पृथक हुँदैछ । अन्तर्राष्ट्रिय स्तरको डिजाइन गरिएको मन्चमा उत्कृष्ट साउण्ड सिस्टम जडान गरेर चिर्चित गायकहरुले सांगीतिक प्रस्तुती दिदैछन् । तेस्रो संस्करणको विराटनगर म्यूजिक फेस्टिबलको तयारी विषयमा केन्द्रित रहेर कार्यक्रम संयोजक सन्तोष महत (स्यान्ट्रो) सँग न्यूज विराटले गरेको संक्षिप्त कुराकानी :

विराटनगर म्यूजिक फेस्टिबलको तयारी कहाँ पुग्यो ?
– तेस्रो संस्करणको विराटनगर म्यूजिक फेस्टिबलको सम्पूर्ण तयारी पूरा भएको छ । विराटनगरको जैन भवनमा शनिबार साझबाट सुरु हुने कार्यक्रममको लागि स्टेजको काम धमाधम भइरहेको छ । शुक्रबारसम्ममा स्टेज र साउन्ट सिस्टम जडानको काम पुरा हुनेछ ।

यस पटक हुन लागेको म्यूजिक फेस्टिबल विगतमा भएको भन्दा के फरक छ ?
– यस पटक हामीले संगीतप्रेमी दर्शक महानुभवाहरुलाई छुट्टै सांगीतिक मनोरञ्जन प्रदान गर्ने उद्देश्य रहेको छ । त्यसको लागि हामीले अन्तर्राष्ट्रिय स्तरको साउण्ड सिस्टम र मन्च तयार पारिएको छ । अहिले हामीले जडान गरेको साउन्ड सिस्टमले संगीतिप्रेमी दर्शकहरुलाई छुट्टै मनोरञ्जन लिनेछन् । त्यसको लागि हामीले अहिलेका युवा पुस्ताहरुको ढुकढुकीमा बस्न सफल ब्याण्ड र गायकहरु ल्याएका छौं । यसअघि दुई पटक सफलता पुर्वक म्यूजिक फेस्टिबल सम्पन्न भएको छ । विराटनगरमा हुने यो फस्टिबल एक मात्र ठूलो सांगीगितक कार्यक्रम हो । त्यसैले यस पटक हुने फेस्टिबल पनि भव्य र सभ्य हुनेछ । फेस्टिबललाई मनोरञ्जन दिन अन्तर्राष्ट्रिय स्तरको साउन्ड सिस्टम, स्टेज र लाइटको प्रयोग गरिएको छ । यस्तो फेस्टिबलले दर्शकहरुलाई मनोरञ्जन प्रदान गर्नुका साथै सामाजिक सद्भाव बढाउन महत्वपूर्ण सहयोग गर्ने हामीले अपेक्षा गरिएको छ ।
संगीतप्रेमी दर्शक स्रोताहरुको लागि अनलाइनबाट पनि टिकट काटने व्यवस्था हामीले मिलाएका छौं । त्यसको लागि मोवाइलमा आइएमबी एप डाउनलोट गरेर म्यूजिक फेस्टिबलको टिकट लिन सकिनेछ । त्यस बालेक पनि विराटनगरको २० भन्दा बढी स्थानमा टिकट पाइन्छ । हामीले टिकट पनि २ सय रुपैयाँ मात्रै राखेका छौं । टिकट सिमित रहेको छ । समयमै टिकट लिएर आफ्नो ठाउँ सुरक्षित राख्न पनि म सम्पूर्ण संगीतप्रेमी दर्शक, स्रोताहरुलाई आग्रह गर्दछु ।

म्यूजिक फेटिबलमा कस्ता कलाकाहरु आउँदैछन् ?
– म्यूजिक फेस्टिबलमा चर्चित गायक तथा ब्याण्डहरूको सांगीतिक प्रस्तुती हुनेछ । म्यूजिक फेस्टिबलमा चर्चित गायक तथा ब्याण्ड स्वप्न सुमन र एस्टर्स पूर्ण राई मुख्य आकर्षण छ । उनीहरुको दमकेदार प्रस्तुती हुनेछ । कार्यक्रममा फुट स्टल पनि रहनेछ । यस पटकको म्युजिक फेस्टिबल फरक तरिकाले नयाँपन दिने प्रयास हामीले गरेका छौं । यस पटक हुने सांगीतिक कार्यक्रम भव्य र सभ्य तरिकाले हुदैँछ । म्यूजिक फेस्टिबलमा स्थानीय कलाकाराहरुको पनि प्रस्तुती हुनेछ ।