विराटनगर । विराटनगरको विराट युनाइटेड भेट्रान प्रथम रविदानन्द चौधरी स्मृति कप भेट्रान फुटबल प्रतियोगिताको फाइनलमा पुगेको छ ।
मोरङको ग्रामथान गाउँपालिका – ७ गणेश माविको खेल मैदानमा शनिबार भएको पहिलो सेमिफाइनल खेलमा राईजिङ्ग भेट्रान इटहरीलाई ५–४ गोलले टाइब्रेकरमा हराउँदै विराट फाइलनमा पुगेको हो ।

निर्धारित समयसम्म गोलरहित खेल बराबरी भएपछि जितको छिनोफानो टाइब्रेकरबाट भएको हो ।
खेलको प्लेर अफ द म्याच विराटका गोलकिपर क्षत्रमान कार्की घोषित भए । उनले नगद १ हजार पाए ।

आइतबारको दोस्रो सेमिफाइन खेल रंगशाला भेट्रान विराटनगर र सुन्दरहरैचको विराटचोक भेट्रान बीच हुने टाईगर क्लव ग्रामथानका अध्यक्ष मुक्ति गच्छदारले जानकारी दिए ।