विराटनगर । मोरङको बुढीगंगामा कार्तिक १० गते प्रथम बुढीगंगा राष्ट्रिय हाफ म्याराथन प्रतियोगिता तथा सांस्कृतिक कार्यक्रम हुने भएको छ । लायन्स क्बल अफ टंकिसिनवारी ग्रिनसिटीको आयोजनामा उक्त कार्यक्रम हुन लागेको हो ।

आयोजकले विराटनगरमा सोमबार पत्रकार सम्मेलन गरी कार्यक्रमको तयारी तिव्र रुपमा अगाडी बढेको जानकारी गराएको छ । सो कार्यक्रममा एक हजार पाँच सय बढीको सहभागिता हुने कार्यक्रम संयोजक विमल भट्टराईले जानकारी दिए । प्रतियोगितामा २१ ीकलोमिटर दुरी रहने खुलल दौडमा महिला र पुरुष धावकधाविकाले प्रतिस्पर्धा गर्नेछन् । म्याराथनमा बिजेताले १ लाख एक हजार रुपैयाँको साथै मेडल र ट्रफि प्राप्त गर्नेछन् । त्यसैगरी द्धितीय, तृतीय, चौथा र पाँचौ हुनेले क्रमश : ५१ ह्जार, ३१ ह्जार, २१ ह्जार र ११ हजार रुपैयाँ रहनेछ । २१ किलोमिटर दुरी पूरा गर्ने धावकहरुलाई मेडल तथा प्रमाण पत्र प्राप्त गर्नेछन् ।

त्यसैगरी पाँच किलोमिटर दुरी तय गर्ने बालवालिकाहरु सहभागि हुने म्याराथुनमा समेत पुरस्कार राखेको छ । १४ वर्ष मुनिका बालवालिका सहभागि हुनेछ । १४ वर्ष मुनिका बालवालिहरुको प्रथम, द्धितीय र तेस्रो हुनेले क्रमश २५ हजार, २० हजार र १५ हजार रुपैयाँ रहेको छ । चौथोले १० हजार र पाँचौ हुनेले ५ हजार नगद पाउनेछन् । खुल्ला म्याराथनमा बुढीगंगाको टंकिसिनवारीबाट सुरु भएर धरान–विराटनगर सडकखण्ड हुँदै रोडशेष चोक पुग्नेछ । रोडेशष चोकबाट पुन विराटनगरको मुख्य सडक हुँदै जलजला, तिनपैनी, पोखरिया, पुष्पलाल चोक भएर गोकुवा नहरको बाटो भइ राजमार्गबाट पुन टंकिसिनमा आएर २१ किलोमिटरको दुरी तय गर्नेछन् । यी सबै दौड विहान ६ बजेबाट सुरु हुनेछ । पुरस्कार वितरण साझमा सांस्कृतिक कार्यक्रमको बीचमा हुनेछ ।