विराटनगर । विराटनगरको हस्पिटल चोकमा रहेको श्री हस्पिटल नयाँ व्यवस्थापनको टिम आएको छ । ६ जनाको नयाँ टिम भित्र्याएर अस्पतालले स्वास्थ्य उपचार सेवा सुरु गरेको हो ।

२५ शैय्याको श्री हस्पिटलमा सुनिल राय, सुरेन्द्र कुमार मेहता, मो. यासिम, मो. जाबेद अन्सारी, सुदिप खत्री र राम कुमार पन्डितको नयाँ टिम भित्र्याएको छ । उनीहरुले १ करोड बढी लगानी गरेको बुझिएको छ । यसअघि अस्पतालमा चार करोड बढी लगानी रहेको अस्पतालको दाबी छ । पुरानो व्यवस्थापकमा सुनिल यादव रहेका थिए । उनले ६ जना नयाँ संचालक भित्र्याएका हुन् । नयाँ व्यवस्थापनको टिम आएसँगै अस्पतालले सर्जरीमा प्याकेज ल्याएको छ । ३० देखि ३५ हजार रुपैयाँसम्ममा एपेन्डिसाइट, पथरीलगायतका सर्जरीमा प्याकेज लयाएको संचालक सुदिप खत्रीले बताए । ‘अहिले अस्पतालले ल्याएको सर्जरीको सेवामा प्याकेजमा उपचार गरेपछि तोकिएर रकम तिरेपछि अरु कुनै शुल्क लाग्दैन,’ उनले भने । आधुनिक उपकरणहरुबाट दक्ष चिकित्सक राखेर स्वास्थ्य उपचार सेवा सुरु गरेको उनले बताए । पाँच शैय्याको भेन्टिलेसनसहितको एनआइसियू रहेको अस्पतालमा अपग्रेड आइसियू रहेको संचालक खत्रीले बताए ।