विराटनगर । कोशी प्रदेश सरकारका मुख्यमन्त्री हिक्मत कुमार कार्कीलेले बिश्वासको मत पाएका छन् । दुई तिहाई मत सहित उनले बिश्वासको मत पाएका हुन् ।
कोशी प्रदेश सभामा आज भएको मत बिभाजनको प्रक्रिया मार्फत भएको मतदानमा पक्षमा ६६ मत प्राप्त गरेका छन् । विपक्षमा १५ मत प्राप्त भएको छ। त्यस्तै नेकपा एस समाजवादीका २ जना सांसदले मतदान गरेनन् ।
आजको सभामा प्रदेश सभामा ८३ जना सांसदको उपस्थिति रहेका थिए । यस अघि मुख्यमन्त्री कार्कीले बैशाख ३१ गते बिश्वासको मत लिएका थिए। गत भदौ १४ गते नेकपा माओवादी केन्द्रले समर्थन फिर्ता लिएपछि आज पुन बिश्वासको मत लिएका हुन् । कोशी प्रदेशमा ९३ प्रदेश सभा सदस्य छ्न । नेकपा एमालेका ४० ,नेपाली काग्रेसका २९, नेकपा माओवादी केन्द्रका १३ ,राप्रपाका ६ नेकपा एकीकृत समाजबादिका ४ र जसपाको एक प्रदेश सभा सदस्य छ्न । कोशी प्रदेशमा नेकपा एमाले र नेपाली काग्रेसको सरकार छ ।