पछिल्लो २४ घण्टामा प्रदेश १ मा ३७ संक्रमित थपिए - News Birat

पछिल्लो २४ घण्टामा प्रदेश १ मा ३७ संक्रमित थपिए

न्यूज विराट

विराटनगर, ५ पुस-पछिल्लो २४ घण्टामा प्रदेश १ मा ६० जना डिस्चार्ज भएका छन् । होमआईसोलेसनबाट ५४, कोशी अस्पताल कोभिड १९ उपचार केन्द्रबाट तीन, न्युरो अस्पतालबाट दुई र वीपी कोइराला स्वास्थ्य विज्ञान प्रतिष्ठान धरानबाट एक जना डिस्चार्ज भएका हुन । हालसम्म डिस्चार्ज हुनेको संख्या २५ हजार १ सय २० पुगेको छ ।

प्रदेश १ मा आइतबार ३७ जना कोरोना संक्रमित थपिएका छन् । मोरङमा १६, इलाममा सात, झापामा पाँच, सुनसरी र संखुवासभामा दुई÷दुई, ओखलढुङ्गामा एक र प्रदेश १ बाहिरका चार जना रहेको मन्त्रालयले जनाएको छ ।

मोरङको विराटनगरमा आठ, पथरीशनिश्चरेमा तीन, बुढीगंगामा दुई, सुनबर्षी, कटहरी र स्थानीय तह नखुलेका एक÷एक, इलामको इलाम नगरपालिकामा सात, झापाको दमकमा दुई, शिवसताक्षी, मेचीनगर र बुद्धशान्तिमा एक÷एक, सुनसरीको ईटहरी र संखुवासभाको खाँदबारीमा दुई÷दुई, ओखलढुङ्गाको चिशंखुगढीमा एक र प्रदेश १ बाहिरका ४ जनामा संक्रमण देखिएको मन्त्रालयले जनाएको छ । योसँगै प्रदेश १ मा कोरोना संक्रमितको संख्या २९ हजार तीन सय ३२ पुगेको छ ।

प्रदेश १ मा आइतबार २ सय ९९ जना मात्र को पीसीआर परीक्षण गरिएको छ । परीक्षण गरिएका मध्ये १६ महिला र २१ पुरुषको रिपोर्ट पोजिटिभ आएको हो । हालसम्म २ लाख ४ हजार २५६ जनाको पीसीआर परीक्षण गरिएको मन्त्रालयले जनाएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles