विराटनगर महानगरको सेवा असोज २ गतेसम्म बन्द - News Birat

विराटनगर महानगरको सेवा असोज २ गतेसम्म बन्द

न्यूज विराट

विराटनगर, २८ भदौ–विराटनगर महानगरपालिकाका प्रमुख प्रशासकीय अधिकृत र नगर प्रहरीमा कोरोना देखिएपछि महानगरको सेवा बन्द गरिएको छ । महानगरपालिकाका प्रमुख प्रशासकीय अधिृकत इन्द्रमणी पोखरेललाई कोरोना पुष्टि भएपछि जोखिम बढेको भन्दै सोमवारदेखि महानगर बन्द गरिएको हो ।

पोखरेल कोरोना संक्रमित भएपछि सोमबारदेखि असोज २ गतेसम्म पाँच दिनका लागि महानगरपालिका बन्द गर्ने निर्णय भएको छ । महानगरका २ वडा अध्यक्षलाई यसअघि नै कोरोना देखिएको थियो भने सोमबार पोखरेल र एक नगर प्रहरीमा पनि कोरोना पुष्टि भएपछि सेवा बन्द गरिएको हो ।

सो अवधिमा स्वास्थ्य, सफाई र बारुणयन्त्र जस्ता अत्यावश्यक सेवा मात्र खुल्नेछन् । जनप्रतिनिधि र कर्मचारीमा कोरोना देखिएपछि महानगरका सबै कर्मचारी होम आईसोलेसनमा बसेको विराटनगर महानगरपालिकाले जनाएको छ ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles