विराटनगर । विराटनगर–५ स्थित एभरेष्ट स्कुलमा अन्तर एभरेष्ट पौडि प्रतियोगिता सुरु भएको छ ।

आज प्रतियोगिताको उद्घाटन विद्यालयका प्रिन्सिपल टिकाराम पुरीले रिबन काटेर गरे ।

एभरेष्ट कलेज परिसरमा रहेको स्वीमिङ पुलमा शुरु भएको प्रतियोगिता शनिवार सम्पन्न हुने छ । आज पहिलो दिन कक्षा २ देखि ५ सम्मका खेलाडीले सहभागिता जनाएका छन् । बुधबार सम्पन्न छनौट चरणमा उक्त समूहका २०० जना बाट ६० जना प्रतियोगितामा छनौट भएका थिए । तिनै खेलाडीहरु बिचमा आज विभिन्न विधाका प्रतिष्पर्धा हरु सम्पन्न भएका हुन् ।

जस मध्ये कक्षा २ र ३ बाट फ्रि स्टाइल २५ मिटर पौडीमा छात्र तर्फ प्रियन्जन राय प्रथम, रायन भट्टराई दित्तिय र प्रणव चौधरी तृतीय भए । सोहि स्पर्धामा छात्रा तर्फ आस्मा चौधरी प्रथम, हुरिया खतिमा दित्तिय र पल्पसा चौधरी तृतीय भए ।

कक्षा ४ र ५ को प्रतियोगितामा फ्रि स्टाइल २५ मिटरमा स्वराज सिंह नेपाल प्रथम, रेहान यादव दित्तिय र अनुभव दाहाल तृतीय भए। सोहि कक्षाको ब्रेथ स्ट्रोकको ५० मिटरको स्पर्धामा आरध्य पाण्डे प्रथम, प्राञ्जल तिम्सिना दित्तिय र पुरक तिम्सिना तृतीय भए भने फ्रि स्टाइल ५० मिटरमा पनि आरध्य पाण्डे प्रथम हुँदा पुरक तिम्सिना दित्तिय र प्राञ्जल तिम्सिना तृतीय भए।

यस्तै सोहि कक्षाको ब्याक स्ट्रोक २५ मिटरको स्पर्धामा आरध्य पाण्डे प्रथम, प्राञ्जल तिम्सिना दित्तिय र पुरक तिम्सिना तृतीय भए। फ्रि स्टाइलकै १०० मिटरको स्पर्धामा पनि आरध्य पाण्डे प्रथम हुँदा पुरक तिम्सिना दित्तिय र प्राञ्जल तिम्सिना तृतीय भए । सोहि कक्षाको छात्रा तर्फ भएको फ्रि स्टाइल स्पर्धामा भावना कुमारी साह प्रथम र अनन्या पोद्दार दित्तिय हुनुभएको विद्यालयका अतिरिक्त कृयाकलाप इन्चार्ज सुधा डंगोलले जानकारी दिइन्।

यस्तै प्रतियोगिता अन्तर्गत शनिवार कक्षा ६ देखि १० सम्मका विद्यार्थीहरुको प्रतियोगिता हुने डंगोलले जानकारी दिइन्। उनका अनुसार शनिवार फ्रि स्टाइल तर्फ ५०,१००,२००,४०० र १५०० मिटरका स्पर्धा हुनेछन् ।

ब्रेष्ट स्ट्रोक तर्फ १०० र २०० मिटर, ब्याक स्ट्रोक तर्फ ५० र १००, बटर फ्लाई ५० र १००, रिले तर्फ ४०० मिटर र आईएम तर्फ १०० मिटर लगायतका स्पर्धाहरु हुने डंगोलले बताउनुभयो । शनिवार छनौट चरण पार गरेका करिब २०० विद्यार्थीले प्रतिष्पर्धामा भाग लिनेछन् ।