विराटनगर । नेपाल औषधी व्यवसायी संघ मोरङका महासचिब अरुण ठाकुरले संचालन गरेको विराटनगर ७ हस्पिटल चोकस्थित उज्वल फर्मामा ‘नार्कोटिक’ औषधी अभिलेख नराखि जथाभावि विक्री वितरण हुने गरेको पाइएको छ ।

औषधी व्यवस्था विभाग विराटनगरले गरेको अनुगमनका क्रममा नार्कोटिक औषधी अभिलेख नराखि विक्री वितरण हुने गरेको पाइएको हो ।
नार्कोटिक औषधीको अनुचित प्रयोग र दुरूपयोग नहोस भनेर चिकित्सकको सिफारिसमा मात्रै विक्री वितरण र अभिलेख राखेर मात्रै दिनुपर्ने नियम रहेको छ । तर, उज्वल फर्मामा मनलाग्दी रुपमा अनुचित प्रयोग हुने हिसाबले विक्री वितरण हुने गरेको सूचना डिडिएमा उजुरी परेपछि शुक्रबार अनुमगन गरेको हो । अनुगमनको क्रममा कारोबार कैफियत फेला परेपछि सञ्चालकलाई बोलाइएको औषधी व्यवस्था विभाग शाखा कार्यालय विराटनगरका प्रमुख निकेश श्रेष्ठले जानकारी दिए । ‘खरिद खाता र मौज्दात विवरणमा मेल खाएन,’ प्रमुख श्रेष्ठले भने, ‘कैफियत देखिएपछि कार्यालयमा बोलाएका छौं, अनुसन्धान भईरहेको छ ।’

उज्वलमा अशोक अग्रवाल भन्ने व्यक्तिले दैनिक औषधीको अर्डर लिने गरेका छन् । उनले अर्डर लिएर जोगबनीबाट अवैध रुपमा भित्र्याएको औषधी त्यहाँ पु¥याउने गरेका हुन् । उज्वलले यसरी भित्रिएको औषधी बिना रेकर्ड नै बिक्री गर्दै आएको छ । जुन नार्कोटिक आईटम धेरै हुन्छन् । नार्कोटिक आईटम–कोडेफ, कोडोफोक्स, कोडो ट्याब, प्रिगास्टार ७५ एमजी, ओपिडोल, स्पास्मोल, ट्रपेन्टाडोल र अट्रासेट मेडिसिन अग्रवाललको भित्र्याउने गरेका हुन् । जुन औषधीको अनुचित प्रयोग गरि लागूऔषधको रुपमा खपत हुने गरेको छ ।
फार्मेसीमा कारोबार हुने मेडिसिन अनिवार्य विभागको स्वीकृति अनुसारको मात्रै हुनुपर्दछ । नेपाली वा विदेशी मेडिसिन बिक्रीका लागि विभागले स्वीकृति नदिएको औषधी तथा फुड सप्लीमेन्टका कुनैपनि आईटम बिक्री गर्न पाइदैन । नार्कोटिक आईटम बिक्री गर्दा चिकित्सकको सिफारिस अनिवार्य आवश्यक पर्दछ । औषधी बिक्रीसँगै त्यसको अभिलेख अनिवार्य राख्नुपर्ने हुन्छ । त्यसमा चिकित्सकको नेपाल मेडिकल काउन्सिल नम्बर पनि समावेश हुनुपर्दछ ।
उज्वल फार्मेसीका सञ्चालक ठाकुरले डिडिएले अनुगमन गर्दा केहि औषधी ¥याकमा नभई कार्टुनमा भेटिएको बताए । उनले शनिबार मौज्दात रेकर्ड मेन्टेन गरेर आइतबारदेखि बिक्री हुने गरेको बताए । ठाकुरले डिडिएले अनुगमन गर्दा कार्टनमा रहेको भनिएका मेडिसिन मिलाउनै बाँकी रहेको सुनाए ।