विराटनगर । विराटनगर महानगरपालिका भित्र रहेको तीन वटा होटल ‘क’ वर्गको मान्यता पाएको छ ।

खाद्य प्रविधि तथा गुण नियन्त्रण कार्यालय विराटनगरले बिहीबार गरेको अनुगमन र निरीक्षण पछि विराटनगरको एयरपोर्ट रोडमा रहेको होटोल एसियाटिक, विराटनगर एयरपोर्ट होटल र बिग हाटोल अति उत्तम भन्दै ‘क’ वर्गको मान्यता दिएको हो ।

खाद्य प्रविधि तथा गुण नियन्त्रण कार्यालयले विराटनगरको ८ वटा ठूलो होटल निरीक्षणको क्रममा ‘ख’ वर्गा उत्तममा इस्टन स्टार होटल राखेको खाद्य प्रविधि तथा गुण नियन्त्रण कार्यालय विराटनगरका खाद्य निरीक्षक वीरेन्द्र कुमार दासले जानकारी दिए । सन्तोषजनक ‘ग’ वर्गमा दुई वटा होटल रहेको छ । जसमा होटल तृष्णा र स्वागतम होटल रहेको छ । ‘होटल स्तरीकरण निर्देशिका २०७४ रहेको छ । उक्त निर्देशिका अनुसार जिल्ला प्रशासन कार्यालय, उपभोक्ताको संघसंस्था स्थानीय जनप्रतिनधी र खाद्य प्रविधि तथा गुण नियन्त्रणबाट खटिएको कर्मचारीले गरेको निरीक्षण हो,’ उनले भने, ‘अनुगमन र निरीक्षणपछि होटलहरुलाई खाद्य स्वच्छता कायम गर्दै गुणस्तरीय खाद्य बस्तु विक्री वितरण गर्न निर्देशन दिएको छ ।’