७ वटै प्रदेशमा कोरोना परीक्षण ल्याब चाहियोः मुख्य मन्त्रीहरू - News Birat

७ वटै प्रदेशमा कोरोना परीक्षण ल्याब चाहियोः मुख्य मन्त्रीहरू

न्यूज विराट

काठमाडौं, चैत २–संघीय सरकार र ५ वटा प्रदेशका मुख्यमन्त्रीले ७ वटै प्रदेशमा कोरोना भाइरस परीक्षण गर्न ल्याब स्थापना गर्नुपर्ने माग गरेका छन् । प्रदेश सरकारलाई कोरोना भाइरससँग लड्न बजेटको आवश्यकता भएको र उक्त बजेट संघीय सरकारले उपलब्ध गराइदिनुपर्ने बताएका छन् । प्रदेश सरकारले आफ्नातर्फबाट तयारी गरिरहेको भए पनि प्रदेश सरकारको बजेटले अपुग भएको खण्डमा बजेट उपलब्ध गराउनुपर्ने कुरा राखेको बागमती प्रदेशका सामाजिक विकासमन्त्री युवराज दुलालले बताए ।

कोरोना भाइरस नेपालमा आए कसरी रोकथाम गर्ने भन्ने विषयमा ५ वटा प्रदेशका मुख्यमन्त्री र संघीय सरकारबीच छलफल भएको हो । छलफलमा उपस्थित ५ वटै प्रदेशका मुख्यमन्त्रीहरूले ७ वटै प्रदेशमा कोरोना परीक्षण गर्न ल्याब स्थापना गर्नुपर्ने माग राखेको कर्णाली प्रदेशका मुख्यमन्त्री महेन्द्रबहादुर शाहीले बताए । बैठकमा गण्डकी र प्रदेश २ का मुख्यमन्त्री भने उपस्थित थिएनन् ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles