विराटनगर । तेली कल्याण समाजमा आवद्ध भएका अगुवाहरुले शहरदेखि गाउँसम्म जागर अभियान चलाउने प्रतिवद्धता जनाएका छन् । उनीहरुले सचेतना अभियानसँगै कानुन र नेतृत्व विकासको लागि जागरण अभियान सुरु गर्ने प्रतिवद्धता जनाएका हुन् ।

तेली कल्याण समाज नेपाल मोरङ जिल्ला कार्यसमितिले दुई दिने नेतृत्व विकास तथा वर्तमान कानुन सम्बन्धि आधारभुत तालिम दिएपछि उनीहरुले यस्तो प्रतिवद्धता जनाएका हुन् । समापन कार्यक्रममा बोल्दै उनीहरुले तालिममा सिकेको ज्ञान व्यवर्हारमा उतार्दै शहरदेखि गाउँसम्म पुगेर युवा युवतीहरुलाई कानुनको बारेमा जानकारी गाराउँदै क्षमता अभिवृद्धी गर्ने तालिममा सहभागि तथा समाजका महानगर समितिका सचिब जगतलाल साहले बताए ।

वैशाख २१ र २२ गते भएको उक्त तालिममा ३७ जना सहभागी रहेको थियो । तालिममा समाजका गाउँ÷नगर तथा महानगरका वडा र उपसमितिका अध्यक्ष र १ जना महिला पदाधिकारीलाई सहभागी रहेको सह–संयोजक सिद्धार्थ साहले जानकारी दिए ।
दुई दिनसम्म संचालन भएको तालिमजको सहजिकरण अधिवक्ता सञ्जु कुमारी साह, पत्रकार धिरज दाहाल, सुचनाको अधिकारका अभियान्ता राजु श्रेष्ठ, धनपालथान गाउँपालिकाका स्वास्थ्थ संयोजक ऋषिराज सेठ,सहायक प्रमुख जिल्ला अधिकारी प्रदिप साहले गरेका थिए । कार्यक्रममा समाजका जिल्ला अध्यक्ष डा. बालकृष्ण साहले तेली जातको उत्पत्ति, यसका ईतिहास, नेपालमा तेलीको जनसंख्या तथा तेली कल्याण समाज नेपालको पुर्ण ईतिहासबारे सहजिकरण गरेका थिए ।