विराटनगर । कृषि र पशु पालन क्षेत्रको आधुनिकरण र वजार व्यवस्थापन गरिनुपर्ने एक कार्यक्रममा सरोकारवालाहरुले बताएका छन् । पशु स्वास्थ्य तथा पशु व्यवसायी परिषद, काठमाण्डौद्वारा विराटनगरमा शुक्रबार आयोजना गरिएको कार्यक्रममा यस्तो बताएका हुन् ।

उक्त कार्यक्रमको उद्घाटन गर्दै कोशी प्रदेशका उद्योग , कृषि तथा सहकारीमन्त्री रामकुमार खत्रीले मुलुकमा समृद्धि ल्याउन कृषी क्षेत्रमा आधुनिकरण गरेर अगाडी बढनुपर्ने बताए । उनले कृषि क्षेत्रलाई प्रविधि र व्यवसायिकरण गरेर अगाडी बढनुपर्नेमा जोड दिए ।
उनले पशु स्वास्थ्य तथा पशु सेवा व्यवसायी परिषद ऐन २०७९ व्यवसायीक र कर्मचारीहरुको हितमा रहेको बताए । उनले कर्मचारी र व्यवसायीकको माग आगामी दिनमा सम्वोधन गरेर अगाडी बढनुपर्ने बताए ।
परिषदका उपाध्यक्ष जनकवहादुर रावलले किसानलाई गुणस्तरजन्य पशुजन्य उत्पादनमा ऐन सहयोगी भएको बताए । परिषदका अध्यक्ष देवेन्द्र यादव, मन्त्रालयका सचिव लेखराज डा लेखराज दाहाल ऐनले पाठकयक्रम परिमार्जन, परिक्षा संचालन, अनुगमन, आचार संहिता पालन, अध्ययन अनुसन्धानमा महत्वपूर्ण भूमिका खेल्ने बताए । परिषदका रजिष्टार पूर्णबहादुर वढाले ऐन सम्बन्धी कार्यपत्र प्रस्तुत गरे । गोष्ठी प्रदेशका १४ जिल्ला पशु स्वास्थ्य क्षेत्रमा आवद्ध कर्मचारी एवं व्यवसायीहरुको सहभागिता रहेको थियो ।