विराटनगर । प्रधानमन्त्री पुष्पकमल दाहाल प्रचण्डले नेपाली काँग्रेसले रविमाथि छानबिनको कुरा उठाएर गठबन्धन फुटाउन खोजेका आरोप लगाएका छन् । विराटनगरमा सञ्चारकर्मीहरूसँग बिहीबार कुराकानी गर्दै उनले यस्तो बताएका हुन् ।

प्रधानमन्त्री प्रचण्डले नयाँ समीकरण बन्नु भन्दा अगाडी देखी नै सहकारीको विषयमा कुरा उठेपनि अहिले आएर मात्रै काँग्रेसले कुरा उठाएको बताए । ‘पहिला काँग्रेससँग गठबन्धन हुदानै यो कुरा आएको थियो । नयाँ समिकरण फेरिएपछि पहिलो कोसिस रविलाई प्रधानमन्त्री बनाउने काँग्रेसले गरेको थियो । त्यो कोसिस नभएपछि अहिले छननिवको प्रश्न उठायो हो,’ प्रधानमन्त्री प्रचण्डले भने ।

उनले सिआइविले केही प्रमाण छैन भनेर भनी सकेको पनि सुनाए । संसद्को गतिरोध अन्त्य गर्नका लागि छलफल भइरहेको उनले बताए । ‘सभामुखले पनि बेलाएर छलफल गर्नु भएको छ । मैले पनि गरिरहेको छु । यो राजनीतिक सहमतिकै आधारमा समाधान हुन्छ,’ उनले भने ।
समग्र सहकारीको विषय र रवि लामिछानेको विषयमा अलग गरेर छलफल गरीे समस्या समाधान हुने उनको भनाई छ । ‘मैले सदनमा राजनीतिक कारणको जबाफ दिएको होइन । अनुसन्धान कर्ताको सुझाव अनुसार नै संसदमा बोलेको हो,’ उनले भने । यसको राजनीतिक आग्रह पूर्वाग्रहले काम गरेको उनले बताए । समाधानका लागि सरकाको तर्फबाट आवश्यक पहल कदमी भइरहेको उनले बताए । । ‘मैले कसैलाई बचाउनु पर्ने कारण छैन । छानबिन गर्दा प्रमाण पुग्यो भने सरकार अगाडी बढछ । तर प्रतिपक्षीले सहकारी भन्दा राजनीतिक मुद्दा बनाएको छ,’ उनले भने ।