विराटनगर । विश्व नेवा दिवसको अवसर पारेर झी : पुच नेपाल भाषा तथा सांस्कृतिक संघ विराटनगरलाई सम्मान गरेको छ । विश्व नेवा अर्गनाइजेशनले ललितपुमा एक भव्य कार्यक्रम आयोजना गरी झी : पुचलाई सम्मान गरेको हो ।

भाषा संस्कृतिको क्षेत्रमा उत्कृष्ट काम गर्नुको साथै यसको संरक्षणमा लागि परेको भन्दै झी : पुचलाई सम्मान गरेको हो । उक्त सम्मान पत्र झी पुच : का अध्यक्ष भविस कुमार श्रेष्ठले ग्रहण गरेका छन् ।

झी : पुचले भाषा र संस्कृतिको क्षेत्रमा थुप्रै कामहरु गर्दै आएको छ । झी : पुच वि.सं. २०३८ (नेपाल सम्बत ११०१) सालमा स्थापना भएको थियो ।

आफनै सामुदायिक भवन, सचिवालय, संग्राहलय, राष्ट्रिय विभूति संखधर साख्वा स्मारक रहेको झि पुचःले प्रत्येक वर्ष नेपाल सम्बतको नयाँ वर्ष, बेल विवहा (इंहि), व्रतबन्ध (कयता पुजा), गाई जात्रा (सपारु) जस्ता संस्कृतिक कार्यक्रमहरु सामुहिक रुपमा आयोजन गर्दै आएको छ ।