प्रचण्डसँग कुरा गर्न बिहानै खुमलटार पुगे माधव नेपाल - News Birat

प्रचण्डसँग कुरा गर्न बिहानै खुमलटार पुगे माधव नेपाल

न्यूज विराट

काठमाडौं, २६ माघ । नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एकीकृत समाजवादीका अध्यक्ष माधवकुमार नेपालबीच भेटवार्ता भएको छ ।

प्रचण्डसँग भेटवार्ताका लागि नेपाल बुधबार बिहान खुमलटारस्थित दाहाल निवास पुगेका हुन् ।

भेटमा एमसीसी परियोजना, स्थानीय तहको निर्वाचन, संसद् अवरोधलगायतका विषयमा छलफल भएको बताइएको छ ।

प्रधानमन्त्री शेरबहादुर देउवा र माओवादी केन्द्रका अध्यक्ष प्रचण्डले एमसीसीबारे अमेरिकालाई लेखेको पत्र बाहिरिएपछि सत्ता गठबन्धनमा किचलो बढेका बेला दाहाल–नेपाल भेटवार्ता भएको हो ।

सरकारले आगामी ३० वैशाखमा स्थानीय तहकाे चुनाव घाेषणा गरेकाे छ । तर माओवादी र एकीकृत समाजवादीका केही नेताहरू वैशाखमा चुनाव गर्ने हाे भने निर्वाचन ऐन संशाेधन गर्नुपर्ने धारणा सार्वजनिक गरिरहेका छन् ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles