अतिरिक्त क्रियाकलापमा पनि शिक्षादीप अब्बल, प्रदेश स्तरीय हाजिरीजवाफमा उत्कृष्ट विद्यार्थीलाई सम्मान

 न्यूज विराट
अतिरिक्त क्रियाकलापमा पनि शिक्षादीप अब्बल, प्रदेश स्तरीय हाजिरीजवाफमा उत्कृष्ट विद्यार्थीलाई सम्मान

विराटनगर । गुणस्तरीय शिक्षामा मात्र नभएर अतिरिक्त क्रियाकलापमा पनि विराटनगरस्थित शिक्षादीप कलेज उत्कृष्ट रहेको पाइएको छ । एकपछि अर्को गर्दै शिक्षादीप कलेजले लिएको सफलताले पनि अतिरिक्त क्रियाकलापमा समेत उत्कृष्ट रहेको पुष्टि गरेको हो ।

हालै कोशी प्रदेश स्तरीय हाजिरीजवाफ प्रतियोगितामा शिक्षादीप कलेजले प्रथम स्थान हासिल गरेको छ । काठमाण्डौमा अवस्थित प्रि–इन्जिनियरिङ पढाइ हुने पिइए संस्था र मनमोहन प्राविधिक विश्वविद्यालयको संयुक्त आयोजनामा भएको सो प्रतियोगितामा सहभागी ३२ वटा समूहलाई पछि पार्दै शिक्षादीप कलेजबाट सहभागी भएका दुई वटा समूहले नै प्रथम र द्वितीय स्थान हासिल गरेको हो ।
शिक्षादीपका विनय प्याकुरेल र गंगाराम अधिकारी (अनमोल) को समूह प्रथम तथा प्रशान्त कार्की र निश्चल आचार्यको समूहले द्वितीय स्थान लिएको हो ।
सो प्रतियोगिताबाट पहिलो र दोश्रो हुनेले नगद पुरस्कार क्रमशः १० हजार रुपैयाँ र पाँच हजार रुपैयाँका साथै कप, शिल्ड प्राप्त गरेका थिए । साथै उनीहरुलाई आयोजक संस्था पिइएले चार वर्षको बीइ कोर्षमा पूर्ण छात्रवृत्तिको व्यवस्थासमेत गरिदिने घोषणा गरेको छ । आगामी महिनामा काठमाण्डौमा हुने राष्ट्रव्यापी प्रतियोगितामा कोशी प्रदेशबाट शिक्षादीपका दुवै समूह भाग लिन पाउने र त्यसमा पनि विजयी भएमा नगद एक लाख रुपैयाँ र दुईवटा ल्यापटप पुरस्कार पाउने आयोजकले जनाएको छ ।
प्रदेशस्तरीय हाजिरी जवाफमा प्रथम र द्वितीय स्थान हासिल गरेर कलेजको इज्जत बढाएको भन्दै कलेजले आइतबार कलेज परिसरमा आयोजित एक कार्यक्रमका बिचमा विद्यार्थीहरुलाई थप नगद पुरस्कारसहित सम्मान गरेको छ । दुवै समूहलाई पाँच–पाँच हजार नगद पुरस्कार प्रदान गर्दै प्रिन्सिपल ज्ञानबहादुर खड्का, प्रमुख निर्देशक रमेशकुमार मण्डल, विज्ञान कार्यक्रमका संयोजक नवीनकुमार रायलगायतले सम्मान गरेका थिए । उक्त कार्यक्रममा बोल्दै प्रिन्सिपल खड्काले विजयी विद्यार्थीले कलेजलाई गौरवान्वित तुल्याएको बताए । उनले कलेजले विद्यार्थीहरुलाई गुणस्तरीय शिक्षा प्रदान गरेको कारणले अतिरिक्त क्रियाकलापहरुमा पनि अब्बल सावित हुँदै गएको बताए । ‘पछिल्ला व्याचका विद्यार्थीहरुले पनि यस उपलब्धीबाट प्रेरणा प्राप्त गरुन् भन्ने उद्देश्यले विद्यार्थीहरुका बिचमा सम्मान र पुरस्कार प्रदान गरिएको हो,’ उनले भने, ‘शिक्षादीपलाई सधैं अगाडि बढाउन विद्यार्थीहरुको भूमिका उल्लेख्य रहेको छ ।’
यसअघि पनि कोशी प्रदेश सरकारले आयोजना गरेको हाजिरिजवाफ प्रतिोगितामा पनि शिक्षादीप कलेज उत्कृष्ट भएको थियो । त्यसबेलामा पनि शिक्षादीपका विद्यार्थीहरुले पुरस्कार प्राप्त गरेका थिए ।

सम्बन्धित समाचार

राहत चाहियो ? यो नम्बरमा फोन गर्नुहोस्

सुर्खेतको वीरेन्द्रनगर नगरपालिकाले कोरोना भाइरस (कोभिड(१९) कारणले लकडाउनमा परेका अति विपन्न, बेखर्ची र मजदुरलाई राहत दिनका लागि टोल फ्रि नम्बर सञ्चालनमा ल्याएको छ । नगरपालिकाले दाेस्राे चरणको राहतको घोषणा गर्दै अति विपन्न, बेखर्ची र मजदुरलाई...

पहिलो याक्खा हाक्पारे ‘ओम्माङ्बा’ सार्वजनिक

विराटनगर । याक्सिगुम मिडिया प्रालिको ब्यानरमा निर्मित पहिलो याक्खा हाक्पारे भिडियो ‘ओम्माङ्बा’ सार्वजनिक भएको छ । सोमबार सुनसरीको धरानमा एक कार्यक्रम आयोजना गरी उक्त भिडियो सार्वजनिक गरिएको हो । गोकुल सोम्याहाङ्गद्वारा निर्मित उक्त भिडियोमा देउ...

वीपीका पदाधिकारीहरुलाई मुख्यमन्त्री राईको निर्देशन

विराटनगर, ९ भदौ–प्रदेश नं १ का मुख्यमन्त्री शेरधन राईले धरानस्थित वीपी कोइराला स्वास्थ्य विज्ञान प्रतिष्टानका पदाधिकारीहरुसँग मंगलबार छलफल गरेका छन् । प्रतिष्ठानका बारेमा जनस्तरबाट गुनासो आउन थालेपछि मुख्यमन्त्री राईले वीपीका पदाधिकारीहरु उपकुलपति ज्ञानेन्द्र गिरी, रेक्टर...

पेट्रोलियम पदार्थको मूल्य तत्काल घटाउन एमालेको माग

प्रमुख प्रतिपक्षी दल नेकपा एमालेले पेट्रोलियम पदार्थको मूल्य घटाउन सरकारसँग माग गरेको छ । आइतबार संसद बैठकमा विशेष समय लिएर बोल्दै एमाले सांसद प्रदीप ज्ञवालीले तत्काल पेट्रोलियम पदार्थको मूल्य घटाएर आम नागरिकलाई राहत दिन सरकारसँग...

नवराज विक हत्या प्रकरण : वडाअध्यक्षसहित २४ जनालाई जन्मकैद

विराटनगर । रुकुमपश्चिमको चौरजहारी नगरपालिका–८, सोती गाउँमा गैरदलित प्रेमिका भगाउन खोज्दा नवराज विकसहित ६ जनाको हत्या भएको मुद्दाको फैसला आएको छ। जिल्ला अदालत रुकुमका न्यायाधीश खड्गबहादुर केसीको इजलासले एकजना वडाअध्यक्षसहित २४ जनालाई जन्मकैदको सजाय सुनाएको...

पहुँच र पावरको भरमा मात्र योजना छनौट नहोस् : सांसद मण्डल

विराटनगर, बैशाख १९–पूर्वमन्त्री तथा प्रतिनिधसभाका सदस्य शिवकुमार मण्डलले पहुँच र पावरका आधारमा मात्र योजना छनौट नगर्न सरकारलाई सुझाव दिएका छन् । आगामी बजेटको विषयवस्तुमा भौतिक पूर्वाधार तथा यातायात मन्त्रालयमा सांसदहरुसँग भएको छलफलमा उनले यस्तो बताएका...

नारायणगढ-मुग्लिन सडकखण्ड एकतर्फी सञ्चालन

काठमाडौं, २२ वैशाख-नारायणगढ-मुग्लिन सडकखण्ड एकतर्फी रूपमा सञ्चालनमा आएको छ । वर्षाका कारण माथिबाट पहिरो आएर सो सडकखण्ड पूर्णरुपमा अवरुद्ध  भएको थियो । अवरुद्ध भएको सो सडकखण्ड ४० मिनेटपछि एकतर्फी रुपमा सञ्चालनमा आएको र थप पहिरो...

नेकपा (एमाले) मोरङको एकै पटक १५८ वडामा आज वडा अधिवेशन हुँदै

विराटनगर, ६ कात्तिक । नेकपा एमाले मोरङको शनिबार जिल्लाका १५८ वटै वडामा एकैपटक वडा अधिवेशन हुदैछ । सुनवर्षी नगरपालिका ६ मा बाहेक जिल्लाका सबै वडामा शनिबार अधिवेशन भइरहेको नेकपा (एमाले) मोरङका अध्यक्ष ऋषिकेश पोखरेलले जानकारी...

संचालक तथा सम्पादक:

अविनाशकुमार निधि

सम्पादक:

पुनम कुमारी कर्ण

सल्लाकार / सम्पादक:

ध्रुव घिमिरे

हामीलाई पछ्याउनुहोस्