आज १ सय ६६ जनामा कोरोना संक्रमण पुष्टि, संक्रमितको संख्या १५ सय कट्यो - News Birat

आज १ सय ६६ जनामा कोरोना संक्रमण पुष्टि, संक्रमितको संख्या १५ सय कट्यो

न्यूज विराट

काठमाडौं, १८ जेठ-आइतबार नेपालमा १ सय ६६ जनामा कोरोना भाइरस (कोभिड-१९) पोजेटिभ देखिएको छ । आज पुष्टि भएका संक्रमितमध्ये १ जना ६२ पुरुष रहेका छन् भने ४ जना महिला रहेका छन् । योसँगै नेपालमा कोरोना संक्रमितको संख्या १ हजार ५ सय ६७ पुगेको छ ।

स्वास्थ्य तथा जनसंख्या मन्त्रालयका प्रवक्ता डा. विकास देवकोटाका अनुसार प्रदेश जनस्वास्थ्य प्रयोगशाला पोखरामा गरिएको परीक्षणमा ३ जनाको पोजेटिभ आएको छ । उनीहरूमध्ये १ जना तनहुँ र २ जना स्याङ्जाका हुन् ।

नारायणी अस्पताल वीरगंजमा गरिएको परीक्षणमा ५ जनामा कोरोना संक्रमण देखिएको छ । उनीहरू पर्साका हुन् । कर्णाली स्वास्थ्य विज्ञान प्रतिष्ठानमा गरिएको परीक्षणमा ३७ जनामा संक्रमण पुष्टि भएको छ ।  उनीहरू कालिकोट १८, दैलेख १८, बाजुरा १ रहेका छन् ।

सुर्खेतमा गरिएको अर्को परीक्षणमा २६ जनामा कोरोना पोजेटिभ आएको छ । उनीहरू सल्यान, २५ जना, सुर्खेत १ रहेका हुन् । धुलिखेलामा गरिएको परीक्षणमा १ जना पोजेटिभ आएको छ । उनी कपिलवस्तुका हुन् । भेरी अस्पतालमा गरिएको परीक्षणमा ८ जनाको पोजेटिभ आएको छ । सबै बाँके जिल्लाका हुन् ।

धरानको बीपी कोइराला स्वास्थ्य विज्ञान प्रतिष्ठानमा गरिएको परीक्षणमा १२ जनाको पोजेटिभ आएको छ । उनीहरू सबै सप्तरीको राजविराजका हुन् । सेती अस्पतालमा गरिएको परीक्षणमा ५ जनाको पोजेटिभ आएको छ । उनीहरू कैलाली ३ जना, बाजुराका  २ जना रहका छन् । कोसी अस्पतालमा गरिएको परीक्षणमा पनि ५ जनामा पोजिभ बएको छ । उनीहरू झापाका ४ जना र मोरङका १ जना रहेका छन् ।

राष्ट्रिय जनस्वास्थ्य प्रयोगशाला टेकुमा भएको परीक्षणमा आइतबार सबैभन्दा बढी ६४ जनामा पोजेटिभ देखिएको छ । उनीहरू मध्ये धनुषाका २१ जना, कपिलवस्तुका ४ जना, रौतहटका २९ जना, सर्लाहीका १० जना रहेका छन् ।

स्वास्थ्य मन्त्रालयका अनुसार आज थप १ जना कोरोना भाइरसलाई जितेर डिस्चार्ज भएको छन् । आज चितवनमा उपचाररत महिला डिस्चार्ज भएकी हुन् । डिस्चार्ज हुनेको संख्या २ सय २० पुगेको छ । डिस्चार्ज हुनेमा १ सय ७२ जना पुरुष रहेका छन् भने ४८ जना महिला रहेका छन् ।

आइतबारसम्म ६९ हजार ५ सय ८२ नमुनाको पीसीआर विधिबाट परीक्षण भएको छ । १ लाख ११ हजार १ सय ९ जनाको आरडीटी विधिबाट कोरोना संक्रमण परीक्षण गरिएको छ । २४ घण्टाको अवधिमा २ हजार ८ सय ५३ नमुनाको परीक्षण गरिएको छ भने ४ हजार ५४ जनाको आरडीटी विधिबाट परीक्षण गरिएको छ ।

देशभर क्वारेन्टाइनमा १ लाख १९ हजार १ सय ९२ रहेको छ । आजसम्मको विवरणअनुसार सम्भावित संक्रमित र संक्रमित गरी १ हजार ३ सय ४९ देशका विभिन्न स्थानमा रहेका अस्पतालका आइसोलेसनमा रहेका छन् ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles