विराटनगर । प्रथम वडा स्तरीय नकाउट फुटबल प्रतियोगिता सुरु भएको छ । विराटनगर महागनरपालिका वडा नं. १५ को आयोजना र मिल्स भेट्रान क्लबको संयोजनमा शनिबारदेखि वडा स्तरीय फुटबल प्रतियोगिता सुरु भएको हो ।

विराटनगर जुटमिलको खेलमैदानमा सुरु भएको उद्घाटन खेलमा आयोजक विराटनगर १५ ले विराटनगर १० नम्बर वडालाई टाइब्रेकरमा ५–३ गोलले हराउँदै आयोजक सेमिफाइनलमा पुगेको छ । निर्धारित समयसम्म १–१ गोलको बराबरी भएपछि जितको छिनोफानो टाइब्रेकरबाट भएको हो ।
आइतबारको खेल विराटनगर ११ र विराटनगर २ नम्बर वडाबीच प्रतिस्पर्धा हुनेछ । फागुन २६ गते हुने प्रतियोगितामा ८ वटा टिमको सहभागि रहेको छ । बिजेताले ३१ ह्जार र उपबिजेताले नगद २१ ह्जार रुपैयाँको साथै ट्रफी प्राप्त गर्ने मिल्स भेट्रानको अध्यक्ष इन्द्रराज थापाले जानकारी दिए । प्रत्येक खेलको म्यान अफ द म्याच हुने खेलाडीले नगद १ हजार १ सय रुपैयाँ प्राप्त गर्नेछन् ।