विराटनगर । विराटनगरस्थित गोदावरी ईङलिस बोर्डिङ स्कुलले रजत जयन्ती मनाएको छ । विराटनगरस्थित गुरुकुल नाटक घरमा सोमबार एक कार्यक्रम आयोजना गरी गोदावरीले रजत जयन्ती मनाएको हो ।

रजत जयन्तीको अवसर पारेर नर्सरीदेखि कक्षा दशसम्म उत्कृष्ट हुने विद्यार्थीहरुलाई स्कुलले पुरस्कार वितरण गरेको स्कुलका अध्यक्ष विष्णु डंगोलले जानकारी दिए । विद्यार्थीहरुले साँस्कृतिक नृत्य, गायन प्रस्तुत गरी दिनभरी सहभागि अभिभावक र अतिथिहरुलाई रमाइलो गरे ।

कार्यक्रममा बोल्दै प्याब्सन मोरङका अध्यक्ष प्रेमलालसिंह सुवालले विद्यार्थीहरुलाई प्रविधिक शिक्षासँगै सीप र संस्कारसहितको शिक्षा दिनुपर्नेमा जोड दिए । प्रविधिको उचतम प्रयोग गर्दै विद्यार्थीहरुलाई गुणस्तरीय शिक्षासँगै अतिरिक्त क्रियाकलापमा पनि अगाडी बढाउनुपर्ने बताए । कार्यक्रममा स्कुलका प्रिन्सिपल केसर कार्कीले विद्यार्थीहरुलाई गुणस्तरीय शिक्षामा कुनै पनि कसुर बाँकी नराखेको बताए । स्कुलका अध्यष विष्णु डंगोलको अध्यक्षतामा उक्त कार्यक्रम भएको थियो ।
कार्यक्रममा विभिन्न विद्यालयका प्रिन्सिपल तथा शिक्षकहरुको उपस्थिती रहेको थियो ।