प्रदेश १ : पुनर्नियुक्त मन्त्री आङ्बुहाङले लिए सपथ - News Birat

प्रदेश १ : पुनर्नियुक्त मन्त्री आङ्बुहाङले लिए सपथ

न्यूज विराट

मन्त्री आङ्बुहाङलाई प्रदेश प्रमुख सोमनाथ अधिकारी ‘प्यासी’ ले र पद तथा गोपनीयताको शपथ ग्रहण गराएका छन् । शपथ ग्रहण कार्यक्रममा मुख्यमन्त्री राई, प्रदेशसभाका सभामुख प्रदीपकुमार भण्डारी, उपसभामुख सरस्वती पोखरेल, संघीय सरकारका  संस्कृति पर्यटन तथा नागरिक उड्डयनमन्त्री भानुभक्त ढकाल, प्रदेश सरकारका मन्त्रीलगायतको उपस्थिति रहेको थियो ।

मन्त्री आङ्बुहाङलाई नेकपा (माओवादी केन्द्र)को कारबाही गरेको थियो । प्रतिनिधिसभा सदस्य नभएको व्यक्ति पनि ६ महिनासम्म मन्त्री हुन पाउने संवैधानिक व्यवस्थाअनुसार माओवादीबाट एमाले प्रवेश गरेका आङ्बुहाङलाई मन्त्री नियुक्त गरिएको जनाइएको छ ।

निर्वाचित भएको दलत्याग गरेको भन्दै माओवादी केन्द्रले आङ्बुहाङलाई संसद्‍बाट हटाउन सभामुखलाई पत्र पठाएको थियो । सोही पत्रअनुसार सभामुख भण्डारीले बिहीबार प्रदेशसभाको बैठकमा आङ्बुहाङलाई सांसदबाट हटाउन माओवादी केन्द्रले प्रदेशसभा सचिवालयमा दर्ता गरेको पत्र पढेर सुनाएपछि उनी सांसद पदबाट मुक्त भए । सांसद पदमुक्त भएपछि उनको मन्त्री पदसमेत स्वतः गुमेको थियो । मख्यमन्त्रीले पुनर्नियुक्ति दिएपछि उनी अब ६ महिनासम्म मात्र मन्त्री हुन पाउँछन् ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles