विराटनगर । विराटनगर – ७ स्थित मेरिल्याण्ड कलेजले कक्षा– ११ का उत्कृष्ट ५० विद्यार्थीलाई नगद पुरस्कारसहित सम्मान गरेको छ । कलेज परिसरमा मंगलबार एक कार्यक्रम गरी उत्कृष्ट विद्यार्थीहरुलाई सम्मान गरिएको हो ।

दोश्रो त्रैमासिक परीक्षामा उत्कृष्ट अंक ल्याउने विद्यार्थीलाई एक कार्यक्रम आयोजना गरि कलेजले सम्मान गरेको प्रिन्सिपल लक्ष्मण ढकालले जानकारी दिए । विद्यार्थीहरुलाई नगद पाँच हजार, चार हजार र तीन हजार प्रदान गरी सम्मान गरिएको कलेजले जनाएको छ । कार्यक्रम नेपाल राष्ट्र बैंक विराटनगर शाखाका उपनिर्देशक मनोज गुरुङको प्रमुख आतिथ्यमा भएको थियो । विद्यार्थीहरुलाई कलेजका उपाध्यक्ष प्रा.डा . प्रमोद कुमार झा,प्रिन्सिपल लक्ष्मण ढकाल ,हिसानका केन्द्रीय उपाध्यक्ष भेषराज पोख्रेल, डाइरेक्टरहरु डा. मनोज गुप्ता,प्रदिप भगत , नन्द किशोर अग्रवालले उत्कृष्ट विद्यार्थीहरुलाई पुरस्कृत गरे ।

उक्त सम्मान कार्यक्रममा कलेजका कोअर्डीनेटर गणेश दाहाल, दिपेश भगत र मनिष पोख्रेल लगायत शिक्षकहरु टंक कोइराला,चिरन्जीवी कोइराला, बद्री पौडेल, नवजित प्रधान दिब्या लाल्वानीको पनि उपस्थित थियो । प्रमुख अतिथि गुरुङले मेरिल्याण्डले शिक्षा क्षेत्रमा गरेको प्रयाश निकै सराहनीय रहेको बताए । पुरस्कृत छात्रा मानश्वी अधिकारीले विराटनगरमा रहेर देशकै अग्रणी कलेजमा नाम राखेको मेरिल्यान्डले आन्तरिक परिक्षामा उत्कृष्ट पचास विद्यार्थीलाई यस वर्षदेखि नगद तथा सम्मान दिने परम्पराको थालनी गरेको र पुरस्कारको पहिलो र दोश्रो शृंखलामा आफु सहभागी हुन पाएकोमा ठुलो गौरव अनुभव भएको बताइन् ।
हरेक विद्यामा नम्बर एक हुँदै आएका मेरिल्याण्ड कलेजले यसै वर्षको कक्षा १२को बोर्ड परिक्षामा पनि सबभन्दा उत्कृष्ट ९५.३४ प्रतिशत नतिजा प्राप्त गरेर कोशी प्रदेशकै नाम उच्च बनाएको छ । कार्यक्रममा मेरिल्याण्ड कलेजका प्रिन्सिपल ढकालले मेरिल्याण्ड कलेजले हरेक वर्ष केहि नयाँ कुराको सुरुवात गर्ने गरेको बताए । मेरिल्याण्ड कलेज व्यवस्थापन शिक्षामा रुचि राख्ने कोशी र मधेशका हजारौं विद्यार्थीको पहिलो रोजाइमा पर्दै आएको छ ।