विराटनगर । विराटनगरस्थित मानव सेवा आश्रमको भवन निमार्णको लागि समाजसेवी उद्योगी दिनाबन्धु गोयलले ५ लाख ११ हजार १ सय ११ रुपैयाँ आर्थिक सहयोग गरेका छन् । आश्रममा मंगलबार एक कार्यक्रम आयोजना गरि भवन निमार्णको लागि गोयलले आर्थिक सहयोग गरेका हुन् ।

विराटनगर महानगरपालिका ५ मा २३ करोडको लागतमा सुविधा सम्पन्न भवन निर्माण भइरहेको छ । उक्त भवनको एउटा कोठा निमार्णको लागि गोयलले आर्थिक रकम सहयोग गरेका हुन् ।

सोही अवसरमा गोयलले आश्रममा रहेका असाय ज्येष्ठ नागरिकहरुलाई एक महिना सम्म पुग्ने खाद्यान्न पनि बितरण गरेका छन् । उनले आश्रममा ३१ बोरा चामल बितरण गरेका हुन् । त्यसैगरी मंगलबार एक छाकको भोजन पनि समाजसेवी गोयलले ज्येष्ठ नागरिक र बालवालिकाहरुलाई खुवाएका छन् ।

समाजसेवी गोयलले बाचुनजेल सामाजिक कार्यलाई निरन्तरा दिएर अगाडी बढने बताए । ‘पहिले आउँदा निकै बिचलित भएको थिएँ । भवन निर्माण गर्दा एउटा कोठा दिने प्रतिबद्धता गरेको थिए । त्यो अहिले आएर पुरा गरेको छु,’ उनले भने, ‘जन्मेपछि सबैथोक छोडेर जानुपर्ने रहेछ । त्यसैले पनि अहिले कमाईको ९० प्रतिशन देशभरी सेवामा खर्चिरहेको छु ।’ दुई दिनमा १५ लाख जति सहयोग बाँडिसकेको उनले सुनाए । ‘यसरीनै बाँचुन्जेल बाँड्न पुगोस्,’ उनले भने ।
कार्यक्रममा विराटनगर महानगरपालिकाकी उपप्रमुख शिल्पा निराला कार्कीले मानवसेवा आश्रमको व्यवस्थापनको लागि महानगरले पनि हेर्ने बताइन् । ‘महानगरको दायित्व भएपनि सबैको साथ सयहोगले आश्रम चलेको छ । सकेको साथ सहयोग गरेर अगाडी बढनुपर्छ,’ उनले भनिन् ।

मोरङका प्रमुख जिल्ला अधिकारी प्रेमप्रसाद भट्टराईले राज्यले गरिनुपर्ने काम समुदाय स्थरबाट साथ सहयोगले असायहरुको लागि मानवसेवा आश्रम चलेको बताए । राज्यले नसक्दा दाताहरूबाट सेवामा सबै जुट्नु पर्ने उनले बताए । कार्यक्रममा बोल्दै भवन निमार्ण समितिका संयोजक लिला ढुंगेलले समाजसेवी गोयल सेवाको नमूना व्यक्ति रहेको बताए । उदारता र मनकारी भावले अहिलेसम्म साथ सहयोग गरेको बताए ।