विराटनगर । जाडोमा मादक पदार्थ सेवन (मापसे) खाएर सवारी साधन चलाउने भएको मोरङ ट्राफिक प्रहरीले चेकजाँचमा कडाइ गरेको छ ।
विरामी बोक्ने एम्बुलेन्स, विद्यार्थी बोक्ने स्कुल बस र यात्रु ओसार–पसार गर्ने सिटी सफारीका सवारी चालकहरुले मादक पदार्थ सेवन गरि सवारी चलाएर सवारी दुर्घटना हुन थालेपछि ट्राफिक प्रहरीले मापशे अभियानलाई तिव्र बनाएको छ । मोरङ ट्राफिक प्रहरीले विराटनगरसहित जिल्लामा मापेश अभियान तिव्र रुपमा अगाडी बढाएको हो ।

केही दिन अगाडी विराटनगरको व्यस्त बजार हस्पिटल चोकमा एउटा एम्बुलेन्सका चालकले मापसे सेवन गरि सवारी चलाउँदा चार वटा सवारीलाई क्षति पुर्याएका थिए । त्यसपछि मोरङ ट्राफिक प्रहरीले मापेश अभियानलाई तिव्र बनाएको छ । मापशे गरेर सवारी चलाउने चालकलाई प्रहरीले अन द स्पट कारवाहीको दायारमा ल्याउने गरेको मोरङ ट्राफिक प्रहरी प्रमुख प्रहरी निरीक्षक सुमन न्यौपानेले जानकारी दिए । ‘पछिल्लो समय मापेश गरि सवारी साधान चलाउने गरिएको देखियो,’ उनले भने, ‘सवारी दुर्घटना न्यूनिकरण गरिन अहिले एम्बुलेन्स, स्कुल बस र सिटी सफारीका चालकहरुलाई पनि मापसे चेकजाँच गरिन थालिएको हो ।’