विश्वव्यापी महामारीरूपमा फैलिरहेको कोरोनाभाइरस संक्रमणप्रति सजगत अपाउँदै जनकपुरधाममा एक वडाध्यक्षको पहलमा आफ्नो वडावासीलाई सहजरूपमा खाद्यान्न उपभोग्य वस्तु वितरण शुरु गरिएको छ ।

जनकपुरधाम वडा नम्बर–७ का वडाध्यक्ष जानकीराम साहको अगुवाइ तथा पहलमा आफ्ना वडावासीलाई दैनिक उपभोग्य खाद्यान्न वस्तु सहज र एकीकृतरुपमा वितरण शुरु गरिएको हो ।

सो वडामा १८ सय घरधुरी छन् । प्रत्येक घरधुरी प्रति ५ किलोको १ सय ७५ रुपैयाँ, प्याज २ किलोको ९० रुपैयाँ र नुन प्रति प्याकेट २० रुपैयाँको दरले उपलब्ध गराएको वडाध्यक्ष जानकीराम साहले जानकारी दिए ।

सामग्री लिन आएका उपभोक्ताहरूलाई ८ फिटको दूरीमा लाइन लगाएर व्यवस्थितरूपमा वितरण गरिँदैछ । भारतमा घेरा बनाएर व्यापारीहरूले समान बिक्री गरेपछि त्यसको चारैतिर प्रशंसा भएपछि सोशल डिस्टेन्सलाई ध्यान दिएर सामान बिक्री गरिएको हो । अहिलेसम्म १ सय ५० जना लेखाद्यान्न सामग्री पाइसकेका छन् । वितरण कार्य जारी नै रहेको छ ।