विराटनगर । मिल्स गोल्डकप फुटबल ट्रष्टको अध्यक्षको विष्णु डंगोल अध्यक्षमा चयन भएका छन् । विराटनगरमा शुक्रबार भएको ट्रष्टको आठौं वार्षिक साधरणसभा तथा तेस्रो अधिवेशनबाट डंगोल सर्वसम्मत रुपमा अध्यक्षमा चयन भएका हुन् ।

डंगोल खेलकुद क्षेत्रमा लागो समयसम्म लागी परेका व्यक्ति हुन् । उनी यसअघि ट्रष्टको कोषाध्यक्ष रहेका थिए । ट्रष्टले प्रत्येक वर्ष मिल्स गोल्डकप फुटबल प्रतियोगिता भव्य रुपमा गर्दै आएको छ । यस वर्षमा पनि गोल्डकप हुने उनले बताए ।
ट्रष्टको वरिष्ठ उपाध्यक्षमा हिमाल शेर्पा र कुमार महर्जन रहेका छन् । यस्तै उपाध्यक्ष अनोज बानिया, मनोज खड्का, राजेश बन्जनकार, धनकुमार लामा, महासचिब प्रलात बस्नेत, सचिबमा श्याम खड्का, कोषाध्यक्ष जितेन कुमार साह, सहकोषाध्यक्ष प्रभाकर थापा रहेका छन् ।
सदस्यहरुमा राजु थापा, विशाल लामा, राजकुमार खड्का, दिपेन थापामगर, डा. राजा सुवाल, डा. अमोद गुरुङ, राजिव थापालगायत रहेका छन् ।