विराटनगर । विराटनगरमा जारी मोरङ व्यापार संघ टे«ड एक्स्पोमा निःशुल्क दन्त परीक्षण स्वास्थ्यकर्मीहरुले स्वास्थ्य मापदण्ड पुरा नगरि उपचारमा गर्दै आएको पाइएको छ । शिविरमा आएका विरामीहरुको दन्त परीक्षण उपचारमा खटिने स्वास्थ्यकर्मीहरुले स्वास्थ्य मापदण्डको ख्याल नगरि उपचार गर्दै आएको पाइएको हो ।

दन्त परीक्षण गर्दा उपचारमा खटिने स्वास्थ्यकर्मीहरुले अनिवार्य रुपमा हातमा ‘ग्लप्स’ लगाउनुपर्ने हुन्छ । तर, एक्स्पोमा राखिएको शिविरमा स्वास्थ्यकमीहरुले ग्लप्स बेगार विरामीको स्वास्थ्य उपचार गरेको पाइएको हो । मुखमा लगाएर उपचारमा प्रयोग गर्ने औजारहरु पनि निर्मलीकरण नगरि प्रयोग गर्ने गरेको पब्लिक फोरमका अध्यक्ष उत्तम ढुंगेले बताए । ‘मोरङ व्यापार संघ टे«ड एक्स्पोको निःशुल्क शिविरमा दन्त परीक्षणमा कुनै पनि स्वास्थ्य मापदण्ड पुरा नगरि उपचार गरेर गम्भिर लापरवाही हुँदै आएको छ । मंगलबार शिविरमा जाँदा धेरै विरामीको दन्त परीक्षण गर्दा उपचारमा खटिएका स्वास्थ्यकर्मीहरुले हातमा ग्लप्स नलगाइ उपचार गर्दै थिए,’ उनले भने, ‘किन हातमा ग्लप्स नलगाइ उपचार गरेको भन्दा ? , ‘ग्लप्स सकियो । तेही भएर भने ।’

यसरी विरामीको स्वास्थ्य उपचारमा लापरवाही गर्नेलाई नियमक निकायले नियमन गरिनुपर्ने उनले बताए । ‘उपचारमा प्रयोग गरिने औजारहरु पनि केमिकल लगाएर निर्मलीकरण गरिनुपर्ने हुन्छ । तर, यहाँ नगरि प्रयोगमा ल्याएको पाइएको छ,’ उनले भने, ‘निःशुल्क शिविरमा स्वास्थ्य मापदण्ड व्यापक रुपमा उल्लघन गरेको पाइएको छ ।’ जसले गर्दा विरामीको स्वास्थ्य जोखिममा परेको छ ।
विरामीलाई एक पटक प्रयोग गरेको औजार निर्मलकीकरण गरेपछि मात्र पुनः प्रयोगमा ल्याउनुपर्ने चिकित्सकहरु बताउँछन् । धोएर मात्र पुनः प्रयोगमा ल्याउँदा विरामीको स्वास्थ्यमा असर गर्ने चिकित्सकको भनाई छ । यता धरान डेन्टलका कर्मचारी सुमन मगरले विरामीको दन्त परीक्षण गरेको औजारहरु धरान हेड अपिसमा पढाएर निर्मलीकरण गरेर मात्र प्रयोगमा ल्याउने गरेको दाबी गरे । ‘एक पटक प्रयोग गरेको औजार पुनः अर्को विरामीलाइ हामी प्रयोग गर्दैनौं,’ उनले भने, ‘ विरामीको स्वास्थ्यप्रति हामी सजक छौं ।’ स्वास्थ्यकर्मीले ग्लप्स नलगाएको विषयमा भने आफुलाई थाहाँ नभएको बताए ।