विराटनगर । विराटनगर – १० पाञ्चाली मोडमा रहेको स्पार्क नेचुरोपेथी एण्ड फिजियोथेरापी हस्पिटल आठ वर्षमा प्रवेश गरेको छ । आठ वर्षमा प्रवेश गरेको अवसर पारेर हस्पिटल परिसरमा पुस १० गते निःशुल्क स्वास्थ्य शिविर आयोजना गर्ने भएको छ ।

बिशेषज्ञ चिकित्सकहरुबाट विरामीको निःशुल्क स्वास्थ्य उपचार हुने हस्पिटलका अध्यक्ष रूपेश अधिकारीले जानकारी दिए । शिविरमा विभिन्न हाडजोर्नी, नशाका बिरामी, डाढड, कम्मर, घुँडा, जोर्नीहरु दुख्ने, हाड खिइने समस्या नशा च्यापिएको, प्यारालाइसिस (लकवा) वाथ आदि समस्याको निःशुल्क जाँच तथा परामर्श गरिने छ । ‘शिविरमा आएका विरामीहरूलाई विशेषज्ञ चिकित्सकले परीक्षण गर्नेछ,’ अध्यक्ष अधिकारीले भने । दुर्गम तथा ६० वर्ष माथिका बिरामीहरुलाई उपचार सेवामा विशेष छुटको व्यवस्थ गरिएको छ । ६० वर्ष माथिका विरामीलाई २५ प्रतिशत, शिविरमा आएर स्वास्थ्य जाँच गरिएको विरामीको २० प्रतिशत र भर्ना गर्नु पर्ने विरामीलाई बेड तथा उपचारमा ३० प्रतिशत उपचारमा छुट दिने हस्पिटलले बताएको छ । शिविरमा परीक्षण गरिएको विरामीहरुलाई निःशुल्क औषधी पनि वितरण गरिने भएको छ ।