विराटनगर । कोशी प्रदेश सरकारले विराटनगरस्थित सक्रामक रोग तथा सघन उपचार केन्द्रलाई मुटुरोग उपचार केन्द्र बनाउने तयारी गरेको अस्पतालको निरीक्षण गरिएको छ ।

वरिष्ठ मुटु रोग विशेषज्ञ डाक्टर भगवान् कोइरालासहितको प्राविधि टिमले बुधबार साझ निरीक्षण गरेका हुन् । सघन उपचार केन्द्रलाई कोशी प्रदेश सरकारले शैलजा आचार्य मुटु रोग उपचार केन्द्र सञ्चालन गर्ने बताएको छ । तेही अनुसार अस्पताल संचालनको लागि डा. कोइरालासहित मुख्यमन्त्री केदार कार्की, स्वास्थ्य मन्त्रालयका सचिब डा. सुधा देवकोटालगायतको टिमले निरीक्षण गरेको छ ।

कोशी कोभिड—१९ उपचार केन्द्रलाई अघिल्लो सरकारले सक्रामक रोग तथा सघन उपचार केन्द्र बनाएको थियो । महामारीको रूपमा फैलिएको कोभिड—१९ संक्रमणको बेला तत्कालीन प्रदेश सरकारले उक्त अस्पताल सञ्चालनमा ल्याएको थियो । अहिले सरुवा रोग सम्बन्धीका उपचार हुने गरेको छ । अहिले यो अस्पतालमा दैनिक ओपिडीमा एक सय जना विरामीले स्वास्थ्य परीक्षण गर्दै आएका छन् । तीन जना मेडिकल अधिकृत सहित ३६ जना जनशक्ति रहेको छ ।

९६ बेड रहेको केन्द्रमा २० वटा आइसियु रहेका छ । ३५ वटा भेन्टिलेटर रहेको छ । कोभिडको महामारी भएको बेलामा कोभिड १९का बिरामीको उपचार हुने गरेको थियो भने धरान लगायतका कोशी प्रदेशमा डेगुको महामारी भएको बेलामा डेगुको उपचार हुने गरेको थियो । सक्रामक रोग तथा सघन उपचार केन्द्रको अनुगमन गर्दै डाक्टर कोइरालाले अस्पतालमा भएका उपकरण जनशक्तिहरूका बारेमा बुझेर मात्रै थप भन्न सकिने बताए । ‘अहिले निरीक्षण गर्ने काम भयो । यहाँको उपकरण र जनशक्तिको विषयमा थप छलफल हुनेछ । त्यसपछि कसरी अगाडी लैजान सकिन्छ तयारी गरिनुपर्ने हुन्छ,’ उनले भने