एभर्टनसँग बराबरीमा रोकियो लिभरपुल - News Birat

एभर्टनसँग बराबरीमा रोकियो लिभरपुल

न्यूज विराट

एजेन्सी, १ कात्तिक-दुई पटकको अग्रता जोगाउन नसक्दा इंग्लिस प्रिमियर लिग फुटबलमा डिफेन्डिङ च्याम्पियन लिभरपुल, एभर्टनसँग बराबरीमा रोकिएको छ ।  शनिबार भएको ‘मर्सीसाइड डर्बी‘मा एभर्टनसँग लिभरपुल २–२ गोलको बराबरीमा रोकिएको हो ।

तेस्रो मिनेटमा साडियो मानेको गोलबाटै लिभरपुलले खेलमा अग्रता लिए पनि १९औँ मिनेटमा एभर्टनका माइकल किनलाई रोक्न नसक्दा खेल १–१ को बराबरीमा गयो ।

७२औँ मिनेट मोहमद सलाहको गोलबाट पुनः अग्रता लिएको लिभरपुल ८१औँ मिनेटमा फेरि चुक्यो । यसपटक एभर्टनका डोमिनिक लेविनले प्रहार गरेको गोल लिभरपुलका कीपरले रोक्न सकेनन् ।

यसरी दुई पटक अग्रता लिएर पनि लिभरपुल बराबरीमा रोकिन पुग्यो । यद्यपि, ५ खेलबाट १० अंक जोडेको लिभरपुल अंक तालिकाको दोस्रो स्थानमा उक्लिएको छ । अपराजित एभर्टन ५ खेलबाट १३ अंक जोड्दै शीर्ष स्थानमा छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles